იხილეთ წყარო გვერდისთვის ქართლის ერისმთავრის დრაქმები

[[File:Victor Langlois. Gourgen. PL II. No.10.jpg|thumb|ქართულ-სასანური მონეტა: გურგენი]]
'''ქართლის ერისმთავრის დრაქმები''' — [[VI საუკუნე|VI საუკუნის]] დასასრულსა და [[VII საუკუნე|VII საუკუნის]] დასაწყისში [[ქართლის საერისმთავრო|ქართლში]] მოჭრილი სასანური ტიპის ვერცხლის მონეტები. ცნობილია '''ქართულ-სასანური მონეტების''' სახელითაც.

ნაპოვნია ოცდაათიოდე ცალი. მასა 2,5-3,5 გ შორის მერყეობს. ქართლის ერისმთავრის დრაქმები სასანიანთა ირანის მმართველების [[ჰორმიზდ IV|ჰორმიზდ IV-ისა]] (579-590) და [[ხოსრო II|ხოსრო II-ის]] (590/591-628) მონეტების იმიტაციაა. შუბლზე გამოსახულია მარჯვნივ მიბრუნებული ჰორმიზდ IV ან ხოსრო II და სათანადო ფალაური წარწერა, ცეცხლთაყვანისმცემელთა ემბლემა (საკურთხეველზე წმინდა ცეცხლი, რომელსაც 2 შეიარაღებული მცველი დარაჯობს) და შესაბამისი ფალაური წარწერა. 

ქართულ-სასანურ მონეტებში გამოიყოფა 3 ჯგუფი:
# ანონიმური მონეტები, რომელთა შუბლზე სასანიანთა მმართველის ბიუსტის გვერდით ან ზურგზე წმინდა ცეცხლის ნაცვლად გამოხატულია ქრისტიანული სიმბოლო — ჯვარი.
# მონეტები, რომელთა შუბლზე ქართლის ერისმთავართა სახელები დაქარაგმებულია ქართული ასომთავრულით ან ამ ასოების ლიგატურით, მაგრამ ზურგზე მაინც შენარჩუნებულია ცეცხლთაყვანისმცემელთა ემბლემა. ამ ჯგუფის დრაქმებზე ამოკვეთილია ორი ქართული ასო  ႢႬ (გნ), ე. ი. გურგენი (სავარაუდოდ, [[გუარამი]]).
# მონეტები, რომლების შუბლზეც ვრცელი ქარაგმით ან სრულად წერია ქართლის ერისმთავრის [[სტეფანოზ I|სტეფანოზის]] სახელი, ხოლო ზურგზე წმინდა ცეცხლის ნაცვლად საკურთხეველზე ჯვარია გამოხატული. ამ მონეტებს ჭრიდნენ 593/595-600/702 წლებში. სავარაუდოა, რომ დრაქმა, რომელზედაც სტეფანოზის სახელი სრულადაა მოცემული, მოიჭრა მას შემდეგ, რაც ქართლმა დამოუკიდებლობა მოიპოვა.

==ლიტერატურა==
{{commonscat|Erismtavri of Kartli drachmas}}
{{ქსე|10|466|გ. დუნდუა}}

[[კატეგორია:საქართველოს მონეტები]]