იხილეთ წყარო გვერდისთვის ქურმუხი

'''ქურმუხი''' — [[საქართველო]]ს ისტორიული მხარის, [[ჰერეთი]]ს მნიშვნელოვანი პუნქტი, ახლანდელი [[აზერბაიჯანი]]ს [[კახის რაიონი]]ს ცენტრის ქალაქ [[კახი]]ს სამხრეთ-აღმოსავლეთით ორ კილომეტრზე. შუა საუკუნეებში აქ საეპისკოპოსო  კათედრალი იყო. ქურმუხის ეპისკოპოსს ექვემდებარებოდა აგრეთვე ჰერეთის მთიანეთისა და წახურის ([[დაღესტანი|დაღესტანში]]) მრევლი. XVII საუკუნის დასაწყისში ირანის შაჰმა [[აბას I (ირანი)|აბას I-მა]] ჰერეთის აღმოსავლეთი თემი [[კაკი (თემი)|კაკი]] ქურმუხითურთ ჩამოართვა [[კახეთის სამეფო|კახეთის]] მეფე [[ალექსანდრე II (კახეთის მეფე)|ალექსანდრე II-ს]] და წახურელ [[ლეკები|ლეკებს]] გადასცა, რომელნიც აქ საბოლოოდ XVIII საუკუნის I მეოთხედიდან გაბატონდნენ. ქურმუხი მოსწყდა კახეთის სამეფოს. შემდგომ იგი უკვე [[საინგილო]]ს მნიშვნელოვანი პუნქტია. შემორჩენილია XIX საუკუნის<ref>საქართველოს კათოლიკოს-პატრიარქები, როინ მეტრველის რედაქტორობით, ნეკერი, 2000</ref> ეკლესია „[[ქურმუხის წმინდა გიორგის ეკლესია|ქურმუხის წმინდა გიორგი]]“. იგი როგორც ქართულ, ისევე მუსლიმანური მოსახლეობის წმინდა ადგილად ითვლებოდა.

== ლიტერატურა ==
*''ადამია ი.,'' ქართული ხალხური ხუროთმოძღვრება, წგნ. 3 (საინგილო), თბ., 1979;
*''პაპუაშვილი თ.,'' ჭარბელაქანი, თბ., 1972;
{{ქსე|10|576-577|პაპუაშვილი თ.}}

== რესურსები ინტერნეტში ==
* [http://www.fact.ge/news.aspx?i=2a59e28f-a771-440b-90da-13a09f4af5e3 ინგილოები - „სტრატეგიული ძმობის“ მსხვერპლნი // Fact.ge] {{Webarchive|url=https://web.archive.org/web/20110918145125/http://www.fact.ge/news.aspx?i=2a59e28f-a771-440b-90da-13a09f4af5e3 |date=2011-09-18 }}

== სქოლიო ==
{{სქოლიო}}

[[კატეგორია:ჰერეთი]]
[[კატეგორია:აზერბაიჯანი]]