იხილეთ წყარო გვერდისთვის ღრმაღელის არქეოლოგიური ძეგლები

'''ღრმაღელის არქეოლოგიური ძეგლები''' — თბილისის ჩრდილოეთ რაიონში, [[ღრმაღელე (თბილისი)|ღრმაღელის]] ხევის მიდამოებში, [[1935]] წელს აღმოჩენილი [[ბრინჯაოს ხანა|ბრინჯაოს ხანის]] ძეგლები. 20 მეტრ სიღრმეზე ადამიანის ჩონჩხთან ერთად აღმოჩნდა [[შუა ბრინჯაოს ხანა|შუა ბრინჯაოს ხანის]] ადრინდელი პერიოდის (ძვ. წ. II ათასწლეულის დასაწყისი) პარადული საბრძოლო ჩუგლუგი, რომელიც ცენტრალურ ამიერკავკასიიდან [[გვიანდელი ბრინჯაოს ხანა|გვიანდელი ბრინჯაოს ხანის]] ჩუგლუგის ტიპის ცულებისა და ადრინდელი [[კოლხური ცული|კოლხური ცულების]] პროტოტიპად ითვლება. [[1949]]-[[1950]] ღრმაღელეში აღმოჩნდა გვიანდელი ბრინჯაოს ხანის ორმოსამარხები. ოთხკუთხა ფორმის სამარხი და მის ირგვლივ ფართობი ქვაყრილით იყო დაფარული. ორმოს თავზე ზოგან ძელური გადახურვის ნაშთები შეიმჩნეოდა. სამარხებში მიცვალებულთა ჩონჩხთან და შინაური ცხოველების ([[მსხვილი რქოსანი საქონელი]], [[შინაური ღორი|ღორი]]) ძვლებთან ერთად იყო გვიანდელ ბრინჯაოს ხანის (ძვ. წ. XIV–XIII საუკუნეებში) ნივთები (შედგენილტარიანი, ფოთლისებურპირიანი ბრინჯაოს სატევარი, რომლის ტარი რელიეფურადაა შემკული, ხელშუბისპირები, თიხის ორნამენტირებული ქილები, ხელადები, ჯამები, ბადიები, სარდიონის მძივები და სხვა). არქეოლოგიური მასალა ადასტურებს, რომ აქ მცხოვრებ ხალხს კავშირი ჰქონია გარე სამყაროსთან.

==ლიტერატურა==
{{ეთ|0|906}}
{{ქსე|10|599|გოგაძე, ე.}}
*''ქორიძე, დ.,'' „თბილისის არქეოლოგიური ძეგლები“ ტ. 1, თბილისი, 1955

[[კატეგორია:თბილისის არქეოლოგიური ძეგლები]]