იხილეთ წყარო გვერდისთვის ყინულის სფინქსი

{{ინფოდაფა ლიტერატურული ნაწარმოები|
|სურათი = La_esfinge_de_los_hielos.jpg
|სრული სათაური = 
|საერთო სათაური = ყინულის სფინქსი
|სურათის წარწერა = „ყინულის სფინქსი“
|ჟანრი = სათავგადასავლო
|ავტორი = [[ჟიულ ვერნი]]
|მშობლიური ენა = [[ფრანგული ენა|ფრანგული]]
|დაწერის ადგილი = [[საფრანგეთი]]
|დაწერილია= [[1897]]
|გამოცემულია= [[1897]] 
|ქართულად თარგმნა= მერაბ ფიფიამ 
}}
„'''ყინულის სფინქსი'''“ ({{lang-fr|Le Sphinx des glaces}}) — ფრანგი მწერლის, [[ჟიულ ვერნი]]ს სათავგადასავლო ჟანრის რომანი. გამოიცა [[1897]] წელს, [[პარიზი|პარიზში]]. წიგნში აღწერილია გემ „ჰალბრეინის“ ხიფათებით აღსავსე მოგზაურობა. გემს დაემგზავრება ამერიკელი ჯორლინგი, რომელიც წიგნის მთავარი პერსონაჟია.

რომანი ქართულად პირველად [[2010]] წელს, გამომცემლობა [[პალიტრა L]]-მა გამოსცა, ხოლო მთარგმნელი მერაბ ფიფია იყო.

== სიუჟეტი ==
რომანი [[ედგარ ალან პო]]ს რომანის, „[[არტურ გორდონ პიმის თავგადასავალი|არტურ გორდონ პიმის თავგადავლის]]“ ერთგვარი გაგრძელება. თუმცა სულაც არაა აუცილებელი გქონდეს პოს ნაწარმოები წაკითხული იმისთვის, რომ წიგნის შინაარსი კარგად გაიგო.

მოქმედება იწყება [[1839]] წელს, [[კერგელენი|კერგელენის კუნძულებზე]]. რომანი პირველ პირშია მოთხრობილი და ამბავს ჰყვება ბატონი ჯორლინგი. ის ელოდება გემს, რათა დაბრუნდეს მშობლიურ [[ამერიკა]]ში. იმ სასტუმროს მეპატრონე, რომელშიც იგი ცხოვრობს, ეუბნება მას, რომ აუცილებლად მოვა შხუნა „ჰალბრეინი“, რომლის კაპიტანსაც, ლენ გაის იგი იცნობს. ის ამტკიცებს, რომ ლენი ჯორლინგს დაეხმარება სამშობლოში წასვლაში.

„ჰალბრეინის“ კაპიტანი თავიდან უარზეა. მას არ სურს აიყვანოს მგზავრი, მაგრამ გემის ბოცმანის დაჟინებული მოთხოვნით ჯორლინგი შხუნაზე ავა. ჯორლინგს თავდაპირველად გადაწყვეტილი აქვს, რომ გემს გაჰყვეს [[ფოლკლენდის კუნძულები|ფოლკლენდის კუნძულებამდე]], მაგრამ ის აზრს შეიცვლის.

ლენ გაი მას უმტკიცებს, რომ არტურ გორდონ პიმი მართლაც არსებობდა და საერთოდ ყველა, ვინც პოს ჰყავს მოხსენიებული. უილიამ გაი, პარკერი, დირკ პეტერსონი, პატერსონი და სხვანი. მეტიც, შემდეგში აღმოჩნდება, რომ რომანში არსებული გემის „ჯეინის“ კაპიტანი უილიამ გაი ლენის ძმაა.

ზღვაში ისინი იპოვიან პატერსონის გვამს. მისი ჩანაწერები მთელ ეკიპაჟს დაარწმუნებს, რომ ყოველი მოვლენა, რაც წიგნშია, სიმართლეა. ლენი კი გადაწყეტს წავიდეს და დაეხმაროს ძმასა და 5 მეზღვაურს, რომელიც კუნძულ ცალალზე ეგულება.

ცოტა ხანში, ხანგრძლივი ექსპედიიციისთვის მზადების დროს, ლენი 20-მდე მეზღვაურს აიყვანს. მათ შორისაა ჰანტი, რომელიც ძალიან სიტყვაძუნწი და ამავდროულად, ძალიან გამოცდილი და კარგი მეზღვაურია. ის მომავალში არტურ პიმის თანამგზავრი, სიკვდილს სასწაულად გადარჩენელი დირკ პეტერსონი აღმოჩნდება.

მოგზაურობაში მათ მრავალი ხიფათისა და იმედგაცრუების გადატანა მოუხდებათ: [[ცალალი|ცალალზე]] ვერ იპოვიან კაპიტანსა და მეზღვაურებს, [[აისბერგი|აისბერგზე]] შეჯახების შედეგად „ჰალბრეინი“ ჩაიძირება, ლენს უღალატებს ეკიპაჟი მეზღვაურ ჰირნის მეთაურობით, რომლებიც კანჯოს გაიტაცებენ და გაიქცევიან. მაგრამ ისინი წამითაც არ კარგავენ იმედს, რომ უილიამ გაის მიაგნებენ.

== რესურსები ინტერნეტში ==
*{{Goodreads book|6326249-la-esfinge-de-los-hielos}}

{{ჟიულ ვერნის რომანები}}

[[კატეგორია:ჟიულ ვერნის რომანები]]
[[კატეგორია:სათავგადასავლო რომანები]]
[[კატეგორია:1897 წლის რომანები]]
[[კატეგორია:ფრანგული რომანები]]