იხილეთ წყარო გვერდისთვის ძველი სახლი

'''ძველი სახლი''' — პირველი დამოუკიდებელი [[თეატრი]] ქართული თეატრის უახლეს ისტორიაში. დააარსა რეჟისორმა და დრამატურგმა [[სანდრო მრევლიშვილი (რეჟისორი)|ალექსანდრე (სანდრო) მრევლიშვილმა]] თავის საკუთარ სახლში, რომელიც ძველი თბილისის ისტორიულად მნიშვნელოვან, ულამაზეს ადგილას — მეტეხის კლდეზეა. „ძველი სახლი“ გაიხსნა [[1994]] წლის 14 იანვარს, როდესაც ტრადიციულად აღინიშნებოდა [[ქართული თეატრის დღე]]. თეატრი მოქმედებს ანტრეპრიზის პრინციპით. აქვს ორი დარბაზი. კამერული იტევს 60 მაყურებელს და ღია ამფითეატრი 100-120 ადგილით. თეატრი ეწევა აგრეთვე საგანმანათლებლო მოღვაწეობას. რეგულარულად იმართება თეატრის გაკვეთილები მოსწავლე-ახალგაზრდებისთვის. თეატრი აქტიურად თანამშრომლობდა სახელმწიფო საქალაქო თეატრებთან. მის რეპერტუარშია სპექტაკლები: ფ. მარსოს „კვერცხი“, ა. მრევლიშვილის „მარტორქები ორკესტრში“, მ. მრევლიშვილის „ბედი მგოსნისა“, მ. ბულგაკოვის „მორფუმი“. შენობაში ამჟამად რეგულარულად მართავს სპექტაკლებს საქალაქო მეტეხის თეატრი. 

==ლიტერატურა== 
*ენციკლოპედია თბილისი, თბ., 2002, გვ 958

==რესურსები ინტერნეტში==
* [https://tbilisi.gov.ge/news/11168 თეატრ „გლობუსს“ სანდრო მრევლიშვილის სახელი მიენიჭა]

[[კატეგორია:თბილისის თეატრები]]