იხილეთ წყარო გვერდისთვის ხელმწიფე-აჩრდილი

{{ინფოდაფა კომიქსის პერსონაჟი
 |სახელი = ხელმწიფე-აჩრდილი
 |სურათი = [[სურათი:Shdwkng.png|208px]]
 |წარწერა     = ხელმწიფე-აჩრდილი
 |გამომცემელი    = [[Marvel Comics]]
 |დებიუტი       = [[შემზარავი იქს-ადამიანები]] #117 ([[1979]] წლის იანვარი)
 |ავტორები      = [[კრის კლერმონი]]<br />[[ჯონ ბირნი]]
 |ალტერ_ეგო  = 
 |სრული_სახელი  =
 |სახეობა         = [[ადამიანი-მუტანტი]]
 |ფსევდონიმები  = 
 |მოკავშირეები    = [[ბნელი იქს-ადამიანები]]<br />გლადიატორები<br />ამაჰლ ფაროუკი<br />იაკობ რეისზი<br />ანანასი<br />[[კარმა (პერსონაჟი)|კარმა]]<br />[[Cypher]]
 |მტრები       = 
 |ძალები        = [[ტელეპატია]]<br />სხვების კონტროლის უნარი<br />უკვდავება
}}
'''ხელმწიფე-აჩრდილი''' ({{lang-en|Shadow King}}) — გამოგონილი პერსონაჟი, რომელიც ცნობილია [[Marvel Comics]]-ის მიერ გამოცემული [[კომიქსი|კომიქსების წიგნებიდან]]. იგი ერთ-ერთი უძველესი და ყველაზე ძლევამოსილი მუტანტია. ამაჰლ ფაროუკი კაცობრიობისთვის საფრთხეს ათწლეულების მანძილზე წარმოადგენდა. იგი პირველი ბოროტი მუტანტია, ვინც [[ჩარლზ ქსავიე|ჩარლზ ქსავიეს]] შეხვდა, დაარწმუნა რა იგი [[იქს-ადამიანები (გუნდი)|იქს-ადამიანების]] არსებობის აუცილებლობაში. ხელმწიფე-აჩრდილი მუდამ ცდილობდა მსოფლიოზე გაბატონებას. მას გამუდმებით ებრძოდნენ იქს-ადამიანები, თუმცა მისი ბოლომდე დამარცხება ვერც ერთხელ ვერ შეძლეს.

== გამოცემის ისტორია ==
პერსონაჟი შექმნილია მწერალი [[კრის კლერმონი]]სა და ილუსტრატორი [[ჯონ ბირნი]]ს მიერ. პირველად გამოჩნდა კომიქსში [[შემზარავი იქს-ადამიანები]] #117 (1979 წლის იანვარი), როგორც [[ტელეპათი]] [[ადამიანი-მუტანტი|მუტანტი]], სახელად ამაჰლ ფაროუკი.

ერთი წლის შემდგომ ბრუნდება კომიქსში [[ახალი მუტანტები]] #34 ([[1985]] წლის დეკემბერი), სადაც ირკვევა, რომ იგი ფლობს [[კარმა (პერსონაჟი)|კარმას]] სხეულს, ამავე კომიქსის მე-6 ნომრიდან მოყოლებული. მას შემდგომ კვლავ გამოჩნდა კომიქსში შემზარავი იქს-ადამიანები. პერსონაჟი თავიდანვე ხელმწიფე-აჩრდილს არ უწოდებდა საკუთარ თავს, ეს სახელი კომიქსის 266-ე ნომერში ([[1990]] წლის აგვისტო) შეირჩია.

კომიქსებში [[იქსტრიმი იქს-ადამიანები]] და [[იქს-ადამიანები:ნამდვილი მეგობრები]] ირკვევა, რომ აჩრდილთა ხელმწიფე [[ასტრალური სამყარო]]ს მკვიდრია, რომელიც კაცობრიობის გარიჟრაჟიდან მოყოლებული არსებობს. იგი არის [[დემონი]], რომელიც სხვა ინდივიდის გონებასა და სხეულს იმორჩილებს ძლიერი ტელეპათიური უნარის მეშვეობით და იყენებს მის შესაძლებლობებს სხვების დამორჩილების მიზნით. როგორც გვერდითი ეფექტი, მუტანტის სიხარბის, [[ჰედონიზმი]]სა და თვითკონტროლის უნარის არქონით, ხელმწიფე-აჩრდილის დიდი ხნის ”მასპინძლები” ხშირად არაჯანსაღად გასუქებულები რჩებიან.

==გამოგონილი პერსონაჟის ბიოგრაფია==
ხელმწიფე-აჩრდილი არსებობს ფსიქიკური ენერგიის სახით, რომელსაც გააჩნია საშინელი სიძულვილი კაცობრიობის მიმართ.

ორმოციან წლებში, მან [[ჰიტლერი]]ს აგენტებთან - ვოლფგანგ ვონ სტრაკერთან და გეისტთან ერთად შეიმუშავა მზაკვრული გეგმა, რის მიხედვითაც განიზრახეს [[ინგლისის მეფე|ინგლისის მეფის]] საიდუმლოდ ჩანაცვლება [[ნაციზმი|ნაცისტების]] მზარდამჭერით.

წლების შემდგომ, ხელმწიფე-აჩრდილი, კრიმინალი ლორდ ამაჰლ ფაროუკის სხეულით [[კაირო]]ში ქუჩის კრიმინალურ ბანდას ხელმძღვანელობს. ამ დაჯგუფებაში ახალგაზრდა [[შტორმი (პერსონაჟი)|შტორმიცაა]] გაწევრიანებული. ფაროუკი ფსიქიკურ ბრძოლაში იწვევს პროფესორ [[ჩარლზ ქსავიე|ჩარლზ ქსავიეს]], ისინი ასტრალურ სამყაროში, ასტრალური სხეულებით იბრძვიან. შედეგად, ხელმწიფე-აჩრდილი მარცხდება და მისი ფიზიკური სხეული იღუპება, ასტრალური ფორმა კი ახალ სამყაროში გადადის. ბოროტ მუტანტთან ბრძოლის შემდგომ გადაწყვიტა ქსავიემ დაეარსებინა გუნდი [[იქს-ადამიანები (გუნდი)|იქს-ადამიანები]], რომელიც კრიმინალ მუტანტებს შეებრძოლებოდა.

დამარცხებულმა ხელმწიფე-აჩრდილმა პროფესორზე შურისძიება და მისი განადგურება განიზრახა. მან დაიმორჩილა ახალგაზრდა მუტანტის, [[კარმა (პერსონაჟი)|კარმას]] სხეული. იგი ქსავიეს [[ახალი მუტანტები]]ს ერთ-ერთი წევრია და გააჩნია გონებრივი უნარი, ფსიქიკური გავლენა იქონიოს სხვა ინდივიდებზე. კარმა ერთ-ერთი მისიის შესრულებისას გაუჩინარდა. თანაგუნდელებმა იფიქრეს, რომ იგი აფეთქებისას დაიღუპა, რეალურად კი ბოროტმა ხელმწიფე-აჩრდილმა კარმას უნარი მისსავე წინააღმდეგ გამოიყენა. მიუხედავად მისი ცდისა, შტორმი და სხვა ახალი იქს-ადამიანები ჩასწვდნენ კარმას ნამდვილ გონებას, შედეგად მან ხელმწიფე-აჩრდილი განდევნა სხეულიდან და ბოროტი მუტანტი კვლავ ასტრალურ სამყაროში დააბრუნა.

მრავალი წლის მანძილზე არ გამოჩენილა იგი, თუმცაღა კვლავ ცოცხალი იყო. მას არ გააჩნდა სხეული და შესაბამისად, არავითარი კავშირი ფიზიკურ სამყაროთან. ამისთვის, ხელმწიფე-აჩრდილმა დაიმორჩილა [[FBI]]-ს [[აგენტი]]ს, ინსპექტორ იაკობ რეისზის გონება და სხეული, შედეგად დაძლია [[შტორმი (პერსონაჟი)|შტორმი]] და გაბატონდა [[მუირის კუნძული|მუირის კუნძულზე]] მცხოვრები აურაცხელი მუტანტის გონებაზე. იგი კიდევ ერთხელ შეებრძოლა ჩარლს ქსავიეს, თუმცა კვლავინდებურად დამარცხდა. სამაგიეროდ, პროფესორი ინვალიდის ეტლს მიაჯაჭვა, მისი ვაჟი - დევიდი კი კომაში ჩააგდო.

გარკვეული დროის შემდგომ, ხელმწიფე-აჩრდილი ახალი ფორმით ([[აფრიკა|აფრიკული]] [[ობობა]]-ღმერთის - ანანასის სახით) შეეცადა იმ აფრიკულ ტომზე თავდასხმას, რომელიც შტორმს [[ქალღმერთი]]ვით ეთაყვანებოდა, თუმცა იგი [[პსილოკი|პსილოკმა]] დაამარცხა. მან მთელი თავისი ტელეპათიური შესაძლებლობები გასწირა, რათა ბოროტი მუტანტი ასტრალურ სამყაროში დაეტყვევებინა.

პსილოკის სიკვდილის შემდგომ, ხელმწიფე-აჩრდილი განთავისუფლდა. იგი შეეცადა [[როუგი]]ს დამორჩილებას, რათა დაუფლებოდა მის შესაძლებლობებს. როუგს სხვა მუტანტების ძალების იმიტირების უნარი აქვს. თუ ხელმწიფე-აჩრდილი შეძლებდა მისი გონების მართავს, ის ასევე შეძლებდა იმ ადამიანებამდე მიღწევას, ვისი ძალაც კი ოდესმე შთაუნთქამს როუგს, განსაკუთრებით კი [[იქს-ადამიანები (გუნდი)|იქს-ადამიანებისა]] და პროფესორი ქსავიეს. თუმცაღა როუგი მას იმ ტელეპათიური უნარით ამარცხებს, რაც პსილოკისგან შეიძინა.

მას შემდგომ, რაც ჯეიმი ბრადოკი გააცოცხლებს პსილოკს, ხელმწიფე-აჩრდილი კვლავ თავს აღწევს ტყვეობას. [[ალისფერი ჯადოქარი|ალისფერი ჯადოქრის]] ძალის მეშვეობით, იგი გადადის ახალ სამყაროში, სადაც იმორჩილებს პროფესორ ქსავიესა და მის გუნდს. ხელმწიფე-აჩრდილი მათ ”ბნელ იქს-ადამიანებს” უწოდებს.

ხელმწიფე-აჩრდილმა დაიმორჩილა მათი რეალობის პროფესორი ქსავიე, დაამარცხა იქს-ადამიანები და მათი გონების კონტროლი შეძლო. კომიქსის მიხედვით, [[დედამიწა 616]]-ზე, ქსავიე შეეცადა [[ნოქტიურნი (პერსონაჟი)|ნოქტიურნის]], [[რეიჩელ სამერსი|მარველის გოგონასა]] და [[კიტი პრაიდი|კატა-აჩრდილი]]ს დაძლევას და მისი კონტროლის ქვეშ დამორჩილებას, თუმცა ქსავიე მარცხდება და საბოლოოდ [[კროსმორი]]ს ციხეში ხვდება. მას იქს-ადამიანები [[შავი ისარი|შავი ისრის]], [[ალბიონი (გუნდი)|ალბიონისა]] და [[ლაიონჰართი]]ს დახმარებით გამოიხსიან. ამავე კომიქსში, ხელმწიფე-აჩრდილი შეეცდება ლაიონჰართზე ზემოქმედებას, თუმცა სპეციალური ხელსაწყოს მეშვეობით იგი გაანეიტრალებს ხელმწიფე-აჩრდილის შესაძლებლობებს, სპეციალურ ყელსაკიდს ჩამოკიდებს ე.წ. ”ბნელ პროფესორ ქსავიეს”, რისი მეშვეობითან ხელმწიფე-აჩრდილს მის სხეულში გამოამწყვდევს, გულმკერდის არეში ღადავს პროფესორს და საბოლოოდ ორივე მუტანტს ერთად ანადგურებს.

მალე ირკვევა, რომ ეს სიკვდილი მხოლოდ დროებითია. ხელმწიფე-აჩრდილი კვლავ ჩნდება კომიქსში, ამჯერად [[უაკანდა]]ს სამეფოში, სადაც ახალი იქს-ადამიანების ერთ-ერთი წევრის, [[ჯენთლი (პერსონაჟი)|ჯენთლის]] მეშვეობით კლავს უაკანდელ ქურუმს, შემდგომ კი [[შავი პანტერა (პერსონაჟი)|შავი პანტერას]] სხეულს იმორჩილებს იმ მიზნით, რომ გაანადგუროს მისი დიდი ხნის მეტოქე  - [[შტორმი (პერსონაჟი)|შტორმი]], პანტერას მეუღლე. კომქსის მიხედვით, ხელმწიფე-აჩრდილი აღწევს მიზანს და შტორმსაც იმორჩილებს, თუმცა საბოლოოდ მარცხდება, ვინაიდან შტორმმა უაკანდას პანტერის ღმერთს, ბასტს საშუალება მისცა დამამლულიყო მის გონებაში, რათა შური ეძია ხელმწიფე-აჩრდილზე იმის გამო, რომ დაიმორჩილა შავი პანტერას გონება.

=== აპოკალიფსის ჟამი ===
[[აპოკალიფსის ჟამი]]ს მიხედვით, ხელმწიფე-აჩრდილი [[აპოკალიფსი (პერსონაჟი)|აპოკალიფსის]] ერთ-ერთი აგენტი ხდება. მისი მეშვეობით აპოკალიფსმა ყველა ტელეპათი დაამარცხა. აპოკალიფსის მარცხის შემდგომ კი მისი ამჟამინდელი მდებარეობა და მდგომარეობა უცნობია.

==სხვა მედია==
===ტელევიზია===
*ხელმწიფე-აჩრდილი [[იქს-ადამიანები: ანიმაციური სერიები]]ს ორ ეპიზოდში ჩანს (1992-97).
*ასევე გამოჩნდა ანიმაციაში [[ვულვერინი და იქს-ადამიანები]], სადაც მას [[ემა ფროსთი]] ებრძვის ასტრალურ სამყაროში და, როგორც ჩანს, ანადგურებს კიდეც.

===ვიდეო-თამაშები===
*თამაშში [[იქს-ადამიანები, ლეგენდები]] ხელმწიფე-აჩრდილი ერთ-ერთია სამ ძირითად ბოროტმოქმედთაგან.

==რესურსები ინტერნეტში==
*{{Marvelwiki|Shadow_King}}

{{იქს-ადამიანები}}

[[კატეგორია:1975 წლის კომიქსების პერსონაჟები]]
[[კატეგორია:კომიქსების პერსონაჟები]]
[[კატეგორია:Marvel Comics-ის მუტანტები]]
[[კატეგორია:Marvel Comics-ის ბოროტმოქმედები]]
[[კატეგორია:Marvel Comics-ის ტელეპათები]]