იხილეთ წყარო გვერდისთვის ხეობის განძი

'''ხეობის განძი''' — აღმოაჩინეს [[1939]] წელს [[ქარელის მუნიციპალიტეტი]]ს სოფელ [[ხეობა (ქარელის მუნიციპალიტეტი)|ხეობაში]]. შედგება 265 ცალი სელჩუკური და მონღოლური [[ვერცხლი]]ს მონეტისაგან. მის შემადგენლობაშია  [[რუმი]]ს ([[მცირე აზია|მცირე აზიის]]) სელჩუკების 21 მონეტა, ჩინგიზიდ [[მენგუ-ყაენი]]ს — 94 ცალი, თბილური მონეტა, თბილისში მოჭრილი I და II ტიპის ყაანურები — 147 ცალი. [[დავით VII]] ულუს ([[1247]]-[[1269]] წწ.), [[ტრაპიზონის იმპერია|ტრაპიზონის]] კეისარ [[მანუელ I კომნენოსი]]სა და ([[1236]]-[[1263]] წწ.) და ალეპოს (ჰალაბის) მმართველის [[სალაჰ ალ-დინ იუსუფი]]ს (1236-[[1260]] წწ.) თითო მონეტა. განძის დიდი ნაწილი [[თბილისი|თბილისში]] მოჭრილი მონღოლური ფულია, ქრონოლოგიურად იგი [[XIII საუკუნე|XIII საუკუნის]] II ნახევარს განეკუთვნება და ასახავს ამ დროის აღმოსავლეთ საქართველოს ფულადი მიმოქცევის სურათს. დაცულია [[გორის ისტორიულ-ეთნოგრაფიულ მუზეუმი|გორის ისტორიულ-ეთნოგრაფიულ მუზეუმში]].

==ლიტერატურა==
{{ქსე|XI|470}}

[[კატეგორია:საქართველოში აღმოჩენილი განძები]]