იხილეთ წყარო გვერდისთვის To Kill the Child/Leaving Beirut

{{ინფოდაფა სიმღერა
| ტიპი = single
| სახელწოდება = To Kill the Child/Leaving Beirut
| გარეკანი = Roger-Waters-To-Kill-The-Child.jpg
| შემსრულებელი = [[როჯერ უოტერსი]]
| ალბომი  = 
| A-მხარე = „To Kill the Child“
| B-მხარე = „Leaving Beirut“
| გამოსვლის თარიღი = [[2004]]
| ჩაიწერა = 
| ჟანრი = [[პროგრესული როკი]]
| ხანგრძლივობა = 
| ლეიბლი =[[Columbia Records]]<br>[[Sony Music Japan]] (CD5)
| პროდიუსერი = როჯერ უოტერსი, [[ნიკ გრიფითსი]]
| წინა_სახელწოდება = [[Three Wishes]]
| წინა წელი = 1993
| შემდეგი_სახელწოდება = [[Hello (I Love You)|Hello<br />(I Love You)]]
| შემდეგი წელი = 2007
}}

„'''To Kill the Child/Leaving Beirut'''“ — [[ბრიტანელები|ბრიტანელი]] [[როკ-მუსიკა|როკ]]-მუსიკოს [[როჯერ უოტერსი|როჯერ უოტერსის]] სინგლი, რომელიც გამოვიდა 2004 წელს. მასში შეტანილია ორი ანტისაომარი სიმღერა. სინგლი განთავსდა ინტერნეტში და შეზღუდული რაოდენობით გამოიცა CD-ის სახით.

== To Kill the Child ==

'''To Kill the Child''' არის პირველი სიმღერა სინგლზე. იგი გრძელდება 3 წუთს და 31 წამს. ტექსტში საუბარია ბავშვზე, რომელიც დონალდ დაკის ნათებაში იძინებს (იგივე სიტყვები გამოყენებულია უოტერსის [[1987]] წლის სიმღერაში ''[[The Tide Is Turning]]'', დონალდ დაკში კი უბრალოდ დონალდ დაკის სახის მქონე ნათურა იგულისხმება). უოტერსი ამ სიმღერაში ცდილობს მსმენელი დააფიქრობს, რატომ ხდება, რომ მატერიალური ქონების, გამოყენების და დოგმების მოყვარულ საზოგადოებას ეწირება უდანაშაულო ბავშვი. სიმღერაში ასევე ნახსენებია რელიგიური ფანატიზმი.

== Leaving Beirut ==

'''Leaving Beirut''' არის მეორე სიმღერა დისკზე. იგი გრძელდება 12 წუთს და 29 წამს. სიმღერის ტექსტის უმეტესობა დაფუძნებულია რეალურ ისტორიაზე: ახალგაზრდობაში უოტერსი ხშირად მოგზაურობდა და თავი ამოჰყო [[ლიბანი|ლიბანში]]. იქ მან გაიცნო მოხუცი, რომელმაც შესთავაზა მას ღამით თავისთან დარჩენა. მოხუცმა და მისმა მეუღლემ როჯერს იდეალური მასპინძლობა გაუწიეს, თუმცა თავად უკიდურესად გაჭირვებულები და ავადმყოფები იყვნენ. ეს იყო უოტერსის რეაქცია [[აშშ]]-ს ერაყულ კამპანიაზე, რომელმაც მრავალი ადამიანი შეიწირა ორივე მხრიდან. როჯერი ეცადა, აეხსნა, რომ ნებისმიერ ერს ჰყავს არა ერთი წარმომადგენელი, რომელსაც შეუძლია ჰუმანური დამოკიდებულება იქონიოს მეორე ერის წარმომადგენლის მიმართ და ის, რომ ყველა არ არის ტერორისტული იდეოლოგიის მატარებელი.

სიმღერა სრულდებოდა [[2006]]-[[2008]] წლების საკონცერტო ტურნეს [[The Dark Side of the Moon Live]] ყველა კონცერტზე, თუმცა, ორიგინალისგან განსხვავებით, როჯერის მიერ წაკითხული ისტორია ჩაანაცვლა ეკრანზე ნაჩვენებმა კომიქსის ტიპის ილუსტრაციებმა.

=== საზოგადოების რეაქცია ===

ტექსტში უოტერსი აკრიტიკებს [[ჯორჯ უოლკერ ბუში|ჯორჯ ბუშს]] და ეჭვქვეშ აყენებს მის ინტელექტს (შენმა ტეხასურმა განათლებამ გამოგიფიტა ტვინი, როდესაც ჯერ კიდევ პატარა იყავი). [[ნიუ ჯერსი]]ს კონცერტის (5 სექტემბერი, 2006) დროს ბევრმა მაყურებელმა ნეგატიურად აღიქვა ეს სტრიქონები. იგივე განმეორდა ნიუ იორკში (12 სექტემბერს) და ტამპაში (2007 წლის 19 მაისს). მიუხედავად ამისა, მსმენელთა უმეტესობის რეაქცია დადებითი იყო, განსაკუთრებით, 2006 წლის 5 ოქტომბრის კონცერტზე, ჰოლივუდ ბოულში, სადაც თითქმის მთელი დარბაზი ფეხზე დადგა და მოწონების შეძახილებით მიესალმა სიმღერას. დადებითი რეაქცია აგრეთვე შეიმჩნეოდა ბოსტონსა და კემდენში (ნიუ იორკი, 2007 წლის 30 მაისი). ევროპის ყველა ქვეყანაში სიმღერა ასევე დადებითად იქნა მიღებული.

მიუხედავად ყველაფრისა, სიმღერა გააკრიტიკეს მისი მუსიკალური სტილის გამო, 10 ოქტომბრის კონცერტზე დაწერილ მიმოხილვაში ნახსენები იყო, რომ მუსიკალურად ეს არის ყველაზე სუსტი სიმღერა, რამაც გააფუჭა ერთ-ერთი საუკეთესო პოსტ-პინკ ფლოიდური ნამუშევარი.<ref>[http://www.mercurynews.com/mld/mercurynews/news/columnists/15735054.htm San Jose Mercury News]</ref>

==რესურსები ინტერნეტში==
* [http://www.discogs.com/Roger-Waters-To-Kill-The-Child-Leaving-Beirut/release/681292 ინფორმაცია საიტზე Discogs]

== სქოლიო ==
{{სქოლიოს სია}}

{{როჯერ უოტერსი}}

[[კატეგორია:როჯერ უოტერსის სიმღერები]]
[[კატეგორია:2004 წლის სინგლები]]
[[კატეგორია:2004 წლის სიმღერები]]
[[კატეგორია:სიმღერები როჯერ უოტერსის ავტორობით]]