აუსატრუარფიელაგიზი

ესკიზის შექმნის შეცდომა:

ჰილმარ ორ ჰილმარსონი და მიმდინარეობის სხვა წევრები მსვლელობისას. 2009, ზაფხული

აუსატრუარფიელაგიზი (ისლ. Ásatrúarfélagið, აუსატრუს საზოგადოება) — ისლანდიური ნეოპაგანური რელიგიური ორგანიზაცია, რომლის მიზანია ნორვეგიული კერპთაყვანისმცემლობის განვითარების ხელის შეწყობა. დაარსდა 1972-ის ზაფხულის პირველ დღეს, 1973-დან დარეგისტრირდა ლეგალურ რელიგიურ ორგანიზაციად.

ორგანიზაციას ხელმძღვანელობდა ფერმერი და პოეტი სვეინბიორნ ბეინტეინსონი (Sveinbjörn Beinteinsson) 1972-დან მის გარდაცვალებამდე (1993). ამ ხნის განმავლობაში, მიმდევართა რიცხვი არ აღემატებოდა 100-ს. შემდეგი მაღალი ქურუმის, იორმუნდურ ინგი ჰანსენის (Jörmundur Ingi Hansen) დროს, მათმა რიცხვმა და აქტივობებმა იმატა, წარმართული დასამარხი მიწის დიზაინის ჩათვლით. ეს ტენდენციები გაგრძელდა უმაღლეს ქურუმ ჰილმარ ორნ ჰილმარსონის დროსაც (Hilmar Örn Hilmarsson; 2003 -). 2009-დან ორგანიზაციაში დარეგისტრირდა 1395 წევრი, მათგან 29% - ქალი.

აუსატრუარფიელაგიზს არ აქვს განსაზღვრული რელიგიური დოგმა ან თეოლოგია, მაგრამ მაღალი ქურუმები იხრებიან მრავალღმერთიან მსოფლმხედველობისკენ. მთავარი რიტუალი არის ბლოუტის (blót) ჯგუფური ზეიმი. მღვდლები (goðar) აგრეთვე ატარებენ სახელის დარქმევის რიტუალებს, ქორწილებსა და დამარხვებს. ორგანიზაციას პოლიტიკური მიზნებიც აქვს; ეწინააღმდეგებიან აბორტის უფლებასა და ნარკოტიკების თავისუფლებას, ემხრობიან ჰომოსექსუალთა ქორწინებას, ეკლესიის სახელმწიფოსგან გამოყოფას და ძლიერ იცავენ გარემოს.

მაღალი ქურუმები

„ათლსჰერჲარგოზი“	შეუერთდა	დატოვა
სვეინბჲერნ ბეინტეინსსონი	1972	1993
ჲერმუნდურ უნგი ჰანსენი	1994	2002
ჲოუნინა ქრისტინ ბერგი	2002	2003
ჰილმარ ერნ ჰილმარსსონი	2003

იხილეთ აგრეთვე

• ისლანდია

რესურსები ინტერნეტში

ფაილი:Commons-logo.svg

ვიკისაწყობში არის გვერდი თემაზე:

აუსატრუარფიელაგიზი

• Ásatrúarfélagið ოფიციალური საიტი
• ინტერვიუ იორმურდურთან
• Video of pagan ceremony „ჰაუსბლოუთის“ ვიდეო, 2006.
• Asatru in Iceland (CityTV)
• http://www.mmedia.is/odsmal/