Oxygène

Oxygène
ფაილი:Oxygene album cover.jpg
studio — ჟან-მიშელ ჟარი
გამოცემის თარიღი	1976 (საფრანგეთი) ივლისი 1977 (მსოფლიო)
ჩაიწერა	აგვისტო, 1976 – ნოემბერი, 1976
ჟანრი	ელექტრონული მუსიკა, ნიუ ეიჯი, ემბიენტი, პოპ მუსიკა, ჩილ-აუტი
ხანგრძლივობა
ლეიბლი	Disques Dreyfus
პროდიუსერი	ჟან-მიშელ ჟარი
ჟან-მიშელ ჟარი — ქრონოლოგია
Les Granges Brûlées (1973) Oxygène () Équinoxe (1978) თარგი:!) Oxygène — ფრანგი ელექტრონული მუსიკოს ჟან-მიშელ ჟარის 1976 წლის სტუდიური ალბომი. ეს არის მისი ყველაზე ცნობილი და ყველაზე წარმატებული ალბომი, რომელიც ჩაწერილია ჟარის შინაურ სტუდიაში, ანალოგურ და ელექტრონულ ინსტრუმენტებზე. ისტორია თავდაპირველად ჟარს გაუჭირდა დისკის გამოცემა. ალბომი მთლიანად ინსტრუმენტულია და რთული იყო ამ დისკიდან სარეკლამო სინგლის ამორჩევა. გამოსვლის შემდეგ იგი იქცა ელექტრონული მუსიკის ერთ-ერთ სავიზიტო ბარათად და გაიყიდა 15 მილიონი ასლის ოდენობით. იმდროინდელი ელექტრონული ალბომების გვერდით, მაგალითად, Kraftwerk-ის რთულ, ფუტურისტულ ჟღერადობასთან, ან კოსმიურ Tangerine Dream-თან შედარებით, ეს ალბომი უფრო თავისუფალი, მელოდიური და კიდევ უფრო დამაჯერებლად კოსმიური ჟღერადობის იყო. „Oxygène“-ის მეორე ნაწილი ცნობილი გახდა ავსტრალიურ ფილმში გალიპოლი შეტანის შემდეგ. „Oxygène“-ის მეოთხე ნაწილი გამოიცა სინგლის სახით და იქცა ელექტრონული მუსიკის ჟანრში დაწერილ ერთ-ერთ საუკეთესო ნაწარმოებად. ალბომის რამდენიმე კომპოზიცია მოხვდა დაგლას ადამსის წიგნის ავტოსტოპით გალაქტიკაში რადიოდადგმაში. ჟარის ჟღერადობის ერთ-ერთი მნიშვნელოვანი კომპონენტი იყო რამდენიმე სინთეზატორი, რომლის საშუალებით მუსიკოსი ახდენდა ორიგინალური ხმოვანი ეფექტების გენერირებას. ალბომი მოხვდა ბრიტანული ჩარტის #2, ხოლო აშშ ჩარტის - #78 ადგილზე. 1997 წელს ჟარმა გამოუშვა ციკლის გაგრძელება Oxygène 7–13 (ასე მას ეწოდა, რადგანაც პირველ ალბომში 6 ნაწილისგან შემდგარი პიესა იყო შეტანილი). მასზე მუშაობისას გამოყენებული იქნა იგივე ინსტრუმენტები, რაც წინამორბედზე. 2007 წელს ჩაიწერა და გამოიცა ორიგინალური ალბომის ახალი ვერსია Oxygène: New Master Recording. ჟარმა იგი ჩაწერა საკუთარ სტუდიაში, იმავე ინსტრუმენტების დახმარებით, რაც პირველი ალბომის შექმნისას გამოიყენებოდა. აუდიო და ვიდეო ვერსიაში შეტანილია ორიგინალური ალბომის შესრულება, რამდენიმე მცირე დამატებითი ფრაგმენტით. ვიდეო ვერსია გამოვიდა სამგანზომილებიან ფორმატში - მაყურებელს, სპეციალური სათვალეების მეშვეობით, საშუალება აქვს ვირტუალურად აღმოჩნდეს ჟარის სტუდიაში, ისე თითქოს ეს მართლაც ხდებოდეს. 2008 წლის 20 იანვარს ბრიტანულმა The Mail on Sunday-მ ყოველ მკითხველს მისცა საშუალება მოესმინა 2007 წლის ახალი ვერსია - თითოეული ასლი უფასოდ მოჰყვებოდა გამოცემას. სიმღერების სია ყველა კომპოზიციის ავტორია ჟან-მიშელ ჟარი. მხარე 1 Oxygène (Part I) – 7:40 Oxygène (Part II) – 8:08 Oxygène (Part III) – 2:55 მხარე 2 Oxygène (Part IV) – 4:14 Oxygène (Part V) – 10:23 Oxygène (Part VI) – 6:20 პერსონალი მუსიკალური ნაწყვეტები: Oxygène IV noicon ვერ ხსნით ფაილს? იხ. Wikipedia:მედია მაშველი|მედია მაშველი. ჟარ მიშელ ჟარი – ARP სინთეზატორი, EMS Synthi AKS, VCS 3 სინთეზატორი, RMI სინთეზატორი, Farfisa-ს პროფესიონალური ორგანი, Eminent 310U, მელოტრონი და Korg Minipops-7 რითმ-მანქანა პერსონალი პროდიუსერი - ჟან-მიშელ ჟარი ინჟინერი და მიქსის ავტორი - ჟან პიერ ჟანიო; დამხმარე ინჟინერი - პატრიკ ფულონი მასტერინგი - სკოტ ჰალი Oxygène პოპულარულ კულტურაში ჰენკ მარვინის ალბომზე 'Heartbeat' გამოიყენება 'Oxygène (Part IV)'-ის მელოდია იხილეთ აგრეთვე Oxygène: New Master Recording ჩარტები და სერტიფიცირებები ჩარტები ჩარტი (1977) უმაღლესი პოზიცია ავსტრალიის ალბომები (Kent Music Report) 29 ავსტრიის ალბომები (Ö3 Austria) 10 საფრანგეთის ალბომები (SNEP) 1 გერმანიის ალბომები (Media Control) 8 ჰოლანდიური ალბომები (ალბომების საუკეთესო ასეული) 4 ახალი ზელანდიის ალბომები (Recorded Music NZ) 3 ნორვეგიის ალბომები (VG-lista) 9 შვედეთის ალბომები (Sverigetopplistan) 3 ბრიტანეთის ალბომები (OCC) 2 აშშ (Billboard 200) 78 სერტიფიცირებები რეგიონი სერტიფიცირება გაყიდვები საფრანგეთი (SNEP) ოქრო 100 000* გაერთიანებული სამეფო (BPI) პლატინა 300 000^ ^გაყიდვების მონაცემები მხოლოდ სერტიფიცირებაზე დაყრდნობით (გაყიდული პარტიები) რესურსები ინტერნეტში Oxygène საიტზე Discogs Oxygène და Oxygène: New Master Recording საიტზე JarreUK სქოლიო