.svg){kind=link}
„ვიკიპედიის აზიის თვე“,
შექმენით სტატიები და მოიგეთ პრიზები!
არაკანის მთები
არაკანის მთები (ბირმ. ရခိုင်ရိုးမ; რაქაინი, არაკან-იომა) — ქედი დასავლეთ მიანმარში, ნაწილობრივ ინდოეთში. გადაჭიმულია სამხრეთით მოდინის კონცხიდან ჩრდილოეთით მანიპურის შტატამდე დაახლოებით 800 კმ-ზე. სიმაღლე 3053 მ-მდე (მწვერვალი ვიქტორია). არაკანის მთები ალპების ასაკის რთული აგებულების ანტიკლინორიუმია. ძირითადი ქედების ბირთვი აგებულია ტრიასული და ცარცული თიხა-ფიქლებით, ქვიშაქვებით და კვარციტებით; ფრთებზე პალეოგენური დანალექი ქანებია.
| არაკანის მთები | |
|---|---|
 არაკანის მთები | |
| კოორდინატები: თარგი:Nobr | |
| ქვეყანა | მიანმარის დროშა მიანმარი ინდოეთის დროშა ინდოეთი |
| უმაღლესი წერტილი | ვიქტორია |
| სიმაღლე | 3053 მ |
| სიგრძე | 800 კმ |
| Lua error: Cannot create process: proc_open(/dev/null): Failed to open stream: Operation not permitted | |
არაკანის მთები უმთავრესად საშუალო სიმაღლისაა, უახლესი ტექტონიკური მოძრაობების შედეგად დანაწევრებულია და აზევებული. ჩრდილოეთით პარარელულ ქედებში მოქცეულია ღრმა ეროზიულ-ტექტონიკური ხეობები. სამხრეთისაკენ მთათა სისტემა ვიწროვდება და დაბალ (150-200 მ) ბორცვიან მწკრივად იქცევა. გამოიყოფა ნაგის ბორცვები, ჩინის მთები და პატკაის ქედი. დასავლეთი ქარპირა ფერდობები შემოსილია ტენიანი სუბტროპიკული ტყით, აღმოსავლეთ ფერდობებზე 1000 მ ზემოთ მარადმწვანე მუხა და ფიჭვია. არაკანის მთების აღმოსავლეთ კალთაზე არის ქრომიტების საბადო.
რესურსები ინტერნეტში
- არაკანის მთები — სტატია დიდი რუსული ენციკლოპედიიდან (რუსული)
- არაკანის მთები — სტატია ენციკლოპედია ბრიტანიკიდან (ინგლისური)