.svg){kind=link}
.svg){kind=link}
მონბლანის მასივი
მონბლანის მასივი (ოქსიტ. Massís del Mont Blanc; იტალ. Massiccio del Monte Bianco; ფრანგ. Massif du Mont-Blanc) — მთის მასივი დასავლეთ ალპებში. ვრცელდება საფრანგეთში, იტალიასა და შვეიცარიაში. სახელწოდება წარმოსდგება მწვერვალ მონბლანისაგან, რომლითაც დაგვირგვინებულია საკუთრივ მასივი. აღსანიშნავია მთები: გრანდ-ჟორასი (4208 მ), ეგიუი-ვერტი (4122 მ) და სხვა.
| მონბლანის მასივი | |
|---|---|
| ფაილი:Mont Blanc depuis Chamonix.JPG | |
| კოორდინატები: თარგი:Nobr | |
| ქვეყანა | საფრანგეთის დროშა საფრანგეთი იტალიის დროშა იტალია შვეიცარიის დროშა შვეიცარია |
| უმაღლესი წერტილი | მონბლანი |
| სიმაღლე | 4808 მ |
| Lua error: Cannot create process: proc_open(/dev/null): Failed to open stream: Operation not permitted | |
მონბლანის მასივი განიხილება პენინის ალპების ან გრაის ალპების ნაწილად. მაქსიმალური სიმაღლე 4808 მ (მონბლანი). პენინის ალპებისაგან გამოყოფილია კოლ-ფერეტის უღელტეხილით, გრაის ალპებისაგან მცირე სენ-ბერნარის უღელტეხილით, ხოლო საფრანგეთის პრეალპებისაგან მდინარე არვის ხეობით. მასივის ის ნაწილი, რომელიც საფრანგეთისკენაა მიბჯენილი დრენირებულია მდინარეების არვისა და იზერის ხეობებით, ხოლო მასივის იტალიური მხარე მდინარე დორა-ბალტეის ხეობით. შვეიცარიის მონაკვეთი დასერილია მდინარე რონის მარცხენა შენაკადებით. მონბლანის მასივი ჰერცინული კრისტალური ფუნდამენტის შვერილია.
გეოლოგიურ აგებულებაში ჭარბობს გრანიტი. ჩრდილო-დასავლეთ ნაწილში გაბატონებულია ფიქლები, ამფიბოლიტები და მარმარილო.
იხილეთ აგრეთვე
ლიტერატურა
- Hartmut Eberlein: Alpenvereinsführer Mont-Blanc-Gruppe. 7 Auflage. Bergverlag Rudolf Rother, München 1991, ISBN 3-7633-2412-7.