.svg){kind=link}
.svg){kind=link}
ტანკსაწინააღმდეგო ნაღმი რდ-7
ტანკსაწინააღმდეგო ბორტსაწინააღმდეგო ნაღმი რდ-7 — დაპროექტდა და შეიქმნა სახელმწიფო სამხედრო სამეცნიერო-ტექნიკური ცენტრი „დელტა“-ში 2012 წელს. ნაღმის დანიშნულებაა მძიმედ დაჯავშნული ტანკების, ქვეითთა საბრძოლო მანქანების და ჯავშანტრანსპორტიორების განადგურება გვერდითი პროექციიდან მოხვედრით. ნაღმი რდ-7 განეკუთვნება საინჟინრო საბრძოლო მასალების სახეობას და მისი პირდაპირი დანიშნულებაა მოწინააღმდეგის სატანკო კოლონების გადაადგილების შეფერხება, ტექნიკის მწყობრიდან გამოყვანა ან სრული განადგურება.
ტექნიკური მხარე
ნაღმის მოქმედება დაფუძნებულია ეგრეთ წოდებული დარტყმითი ბირთვის პრინციპზე. მისი დეტონაციისას წარმოიქმნება ისრისებური ფორმის ჯავშანგამტანი სხეული, რომელიც ჯავშანმანქანის ბორტის ჯავშანს კინეტიკური ენერგიით ხვრეტს. ნაღმს შეუძლია მარტივად გაარღვიოს პირველი თაობის დინამიური დაცვის კომპლექსებით დაცული ტანკების გვერდითი ჯავშანიც. საბრძოლო მდგომარეობაში ნაღმის დეტონაცია ხორციელდება ოპერატორის მიერ დისტანციურად ან ავტონომიურად ნაღმზე დამაგრებული სითბური და სეისმური სენსორების საშუალებით.
ტექნიკური მონაცემები
- დასახელება - რდ-7
- მასა - 32 კგ
- ფეთქებადი ნივთიერების მასა - 17,5 კგ
- კალიბრი - 206 მმ
- მოქმედების დიაპაზონი - 5-50 მეტრი
- ჯავშანგამტანობა - 110 მმ
- საბრძოლო ექსპლუატაციის ტემპერეტურული დიაპაზონი - -40°C დან 60°C მდე.
- ჯავშნის გარღვევის დიამეტრი - 120 მმ
რესურსები ინტერნეტში
- ტანკსაწინააღმდეგო ბორტსაწინააღმდეგო ნაღმი რდ-7, სამხედრო ანალიტიკური საიტი www.geo-army.ge;