ირაკლი მოდებაძე

Lua error: Cannot create process: proc_open(/dev/null): Failed to open stream: Operation not permittedLua error: Cannot create process: proc_open(/dev/null): Failed to open stream: Operation not permittedLua error: Cannot create process: proc_open(/dev/null): Failed to open stream: Operation not permitted

ფაილი:ირაკლი მოდებაძე დინამო.jpg

თბილისის „დინამოში“

ირაკლი მოდებაძე (დ. 4 ოქტომბერი, 1984, თბილისი) — ქართველი ფეხბურთელი და ფეხბურთის მწვრთნელი. თამაშობდა თავდამსხმელის პოზიციაზე.

კარიერა

საკლუბო

მისი პირველი მწვრთნელი იყო საშა ვაშაკიძე. თამაშობდა თბილისის „მერანი-91“-სა და მოსკოვის „გოლეადორში“.

2002 წლის ზამთარში ზაპოროჟიეს „მეტალურგში“ გადავიდა. უმაღლეს ლიგაში მისი დებიუტი შედგა 2002 წლის 16 მარტს, კიევის „არსენალის“ წინააღმდეგ (2–0).^[1] მოდებაძემ მატჩი ძირითად შემადგენლობაში დაიწყო და 65-ე წუთზე ოლეგ რატიამ შეცვალა.

2009 წლის 13 მარტს თავისუფალი აგენტის სტატუსით გადავიდა ოდესის „ჩერნომორეცში“,^[2] სადაც ფეხის მოკიდება ვერ შეძლო და მხოლოდ 1 მატჩი ჩაატარა პერმიერ ლიგაში.

2009 წლის ზაფხულში იმყოფებოდა სინჯებზე ლუგანსკის „ზარიაში“,^[3] მაგრამ ზაპოროჟიეს „მეტალურგში“ გადავიდა.

2010 წლის 4 ივნისს კლუბმა ოფიციალურ საიტზე გამოაქვეყნა ინფორმაცია იმის შესახებ, რომ ირაკლიმ უკრაინული კლუბი დატოვა.

2011–2012 წლების სეზონი გაატარა რუსთავის „ოლიმპში“,^[4] რომელსაც 2011 წლიდან „მეტალურგი“ დაერქვა.

2012 წლის ივნისში გადავიდა გორის „დილაში“. იყო „დილას“ იმ გუნდის ძირითადი შემადგენლობის წევრი, რომელმაც შეძლო უეფა-ს ევროპის ლიგის პლეი-ოფში გასვლა.

2014 წლის იანვარში კონტრაქტი გააფორმა თბილისის „დინამოსთან“.^[5] „დინამოს“ მაისურით უმაღლეს ლიგაში 7 მატჩი ჩაატარა, ხოლო თასზე მხოლოდ ორი შეხვედრა.

2013–2014 წლების სეზონის დასრულების შემდეგ მოდებაძემ „დინამო“ დატოვა^[6]^[7] და მის ყოფილ კლუბს, „დილას“ შეუერთდა.^[8]

მისი უფროსი ძმა, გიორგი მოდებაძე ასევე ფეხბურთელი იყო.

სანაკრებო

გამოდიოდა საქართველოს 17, 19 და 21-წლამდე ფეხბურთელთა ნაკრებებში, ეროვნულ ნაკრებში პირველად გამოიძახეს 2006 წლის 7 ოქტომბერს, ამხანაგურ მატჩში გერმანიის წინააღმდეგ (2–0), ირაკლიმ 83-ე წუთზე გიორგი დემეტრაძე შეცვალა.^[9]

სამწვრთნელო

სათამაშო კარიერის დასრულების შემდეგ სამწვრთნელო საქმიანობა განაგრძო. იყო გორის „დილას“ მთავარი მწვრთნელის თანაშემწე და მთავარი მწვრთნელის მოვალეობის შემსრულებელი.^[10]

მიღწევები

საქართველოს ჩემპიონი: 2013–2014, 2014–2015
საქართველოს ვიცე-ჩემპიონი: 2011–2012, 2012–2013
საქართველოს თასის მფლობელი: 2013–2014
უკრაინის თასის ფინალისტი: 2005–2006
საქართველოს სუპერთასის მფლობელი: 2010–2011
საქართველოს სუპერთასის ფინალისტი: 2012–2013, 2015–2016

რესურსები ინტერნეტში

სქოლიო

↑ Протокл матча // uafootball.net.ua
↑ Модебадзе — игрок «Черноморца» // football.ua
↑ «Заря» просматривает новичков // football.ua
↑ ირაკლი მოდებაძე „ოლიმპში“ რჩება // sportall.ge
↑ დინამოში 6 ახალი ფეხბურთელი ჩაირიცხა // fcdinamo.ge
↑ დინამომ მზადება დაიწყო // fcdinamo.ge
↑ თბილისის „დინამო“ კიდევ ორმა ფეხბურთელმა დატოვა
↑ ირაკლი მოდებაძე: ყველაზე მეტად გორის „დილამ“ დამაინტერესა
↑ Germany 2–0 Georgia / 07/10/2006 // Soccerway
↑ გორის „დილას“ დემჩენკოს შემცვლელი შერჩეული ჰყავს // lelo.ge

Lua error: Cannot create process: proc_open(/dev/null): Failed to open stream: Operation not permitted

[1] Протокл матча // uafootball.net.ua

[2] Модебадзе — игрок «Черноморца» // football.ua

[3] «Заря» просматривает новичков // football.ua

[4] ირაკლი მოდებაძე „ოლიმპში“ რჩება // sportall.ge

[5] დინამოში 6 ახალი ფეხბურთელი ჩაირიცხა // fcdinamo.ge

[6] დინამომ მზადება დაიწყო // fcdinamo.ge

[7] თბილისის „დინამო“ კიდევ ორმა ფეხბურთელმა დატოვა

[8] ირაკლი მოდებაძე: ყველაზე მეტად გორის „დილამ“ დამაინტერესა

[მატჩი-9] Germany 2–0 Georgia / 07/10/2006 // Soccerway

[10] გორის „დილას“ დემჩენკოს შემცვლელი შერჩეული ჰყავს // lelo.ge

[1]

[2]

[3]

[4]

[5]

[6]

[7]

[8]

[9]

[10]