საქართველოს გაერთიანებული წყალმომარაგების კომპანია

საქართველოს გაერთიანებული წყალმომარაგების კომპანია
ფაილი:საქართველოს გაერთიანებული წყალმომარაგების კომპანია.jpg
უწყების შესახებ
უწყების ხელმძღვანელი	არჩილ ცაბუტაშვილი, დირექტორი
უწყების ტიპი	შპს
ზემდგომი უწყება	საქართველოს რეგიონული განვითარებისა და ინფრასტრუქტურის სამინისტრო
საიტი
www.water.gov.ge

საქართველოს გაერთიანებული წყალმომარაგების კომპანია — კომპანია, რომელიც წყალმომარაგებისა და წყალარინების ქსელით მომსახურებას ახორციელებს მთელი საქართველოს მასშტაბით ურბანული ტიპის დასახლებებისთვის, ქ. თბილისის, ქ. მცხეთის, ქ. რუსთავისა და აჭარის ავტონომიური რესპუბლიკის გარდა. კომპანიის 100%-იანი წილის მფლობელი სახელმწიფოა.

კომპანიის სტრუქტურაში შედის სათავო ოფისი, 6 რეგიონული ფილიალი და 51 სერვის-ცენტრი. სულ კომპანიაში დასაქმებულია 2500-მდე თანამშრომელი. აქედან 60% დასაქმებულია ექსპლუატაციის სფეროში, 24% - საფინანსო სფეროში, ხოლო 16% - ადმინისტრირების სფეროში. კომპანიის ძირითადი საქმიანობაა: წყლის მოპოვება, დამუშავება და მიწოდება აბონენტებისათვის; წყალმომარაგებისა და წყალარინების სისტემის პროექტირება, მშენებლობა, მონტაჟი, შეკეთება და ექსპლუატაცია; წყალმომარაგებისა და წყალარინების სისტემის ელემენტების წარმოება-შეკეთება. შპს „საქართველოს გაერთიანებული წყალმომარაგების კომპანია“ შეიქმნა 2010 წლის 14 იანვარს.

კომპანიის მისიაა მოსახლეობისთვის სასმელი წყლის უწყვეტ, 24-საათიან რეჟიმში მიწოდება, საქართველოს ყველა მუნიციპალურ ცენტრსა და ქალაქში წყალმომარაგებისა და წყალარინების სისტემის მოწესრიგება და ამ სისტემის მსოფლიო სტანდარტებთან მიახლოება.

კომპანიის მიზანს წარმოადგენს ინფრასტრუქტურის რეაბილიტაცია და მშენებლობა; წყლის ხარისხის შენარჩუნება და გაუმჯობესება; ავტოპარკის და სპეცტექნიკის ბაზის მოდერნიზაცია; დარიცხვისა და ამოღების პროცესების სრულყოფა; გამრიცხველიანება; წყლის დანაკარგის აღმოფხვრა; ეკონომიკური და ტექნიკური დასაბუთების შექმნა; საკადრო რესურსების მართვის სრულყოფილი სისტემის დანერგვა; გარემოსდაცვით ნორმებთან კომპანიის საქმიანობის შესაბამისობაში მოყვანა; ელექტროენერგიის ეკონომიის უზრუნველყოფა; ფინანსური მდგომარეობის გაძლიერება და ფინანსური მენეჯმენტის სისტემის სრულყოფა.

იხილეთ აგრეთვე

• საქართველოს რეგიონული განვითარებისა და ინფრასტრუქტურის სამინისტრო

რესურსები ინტერნეტში

• ოფიციალური საიტი