ქვემო ჯომაღის მესამე კოშკი

ქვემო ჯომაღის მესამე კოშკი — არქიტექტურის ძეგლი, საფორტიფიკაციო ნაგებობა ჯავის მუნიციპალიტეტის სოფელ ქვემო ჯომაღაში. აგებულია გვიან შუა საუკუნეებში.

კოშკი ნაგებია ფლეთილი ქვით. ძეგლის მნიშვნელოვანი ნაწილი დანგრეულია, შემორჩენილია 3 სართულის დონე. ჩრდილოეთ კედელში მეორე სართულზე გაჭრილია თაღოვანი შესასვლელი. სამხრეთისა და დასავლეთის კედლები ფრაგმენტულადაა შემორჩენილი. კოშკის გარშემო და შიგნით მიწის დონე აწეულია. ყრია ჩამონაშალი ქვა.

ლიტერატურა

შიდა ქართლი, ჯავის რაიონის არქიტექტურული მემკვიდრეობა, ტ. III, თბ., 2004