ანანია (სამოცდაათთაგანი)
მოციქული ანანია (ბერძ. Σαπφείρα) — ქრისტეს მოციქული, ქალაქ დამასკოს ეპისკოპოსი, მართლმადიდებელი ეკლესიის წმინდანი, ხსენების დღეა — 14 ოქტომბერი [ძვ. სტ. 1 ოქტომბერი]. ღვთის ბრძანებით, სწორედ მან მონათლა ქრისტიანთა მდევნელი სავლე, მომავალი პავლე მოციქული. განსაცდელების მიუხედავად, ანანია გაბედულად და აშკარად ქადაგებდა ქრისტიანობას იუდეველებსა და წარმართებს შორის. დამასკოდან იგი ელეფთეროპოლში გადავიდა სახარების სწავლებით და იქ მრავალი სნეული განკურნა. ქალაქის თავი, ლუკიანე შეეცადა, წმინდანი კერპების-თვის მსხვერპლის შეწირვაზე დაეყოლიებინა, მაგრამ ვერაფერს გახდა. მაშინ ჯალათებმა მისი ბრძანებით სასტიკად აწამეს ქრისტეს მხნე აღმსარებელი. ქალაქგარეთ გაიყვანეს და ქვებით ჩაქოლეს. ანანიამ თავისი მკვლელებისათვის ლოცვაში შეჰვედრა სული უფალს. მოგვიანებით მისი წმინდა ნაწილები კონსტანტინოპოლში გადააბრძანეს.
იხილეთ აგრეთვე
ლიტერატურა
- წმიდანთა ცხოვრება, ტომი IV, თბილისი, 2003 წ.
de:Ananias el:Σαπφείρα en:Ananias of Damascus es:Ananías fi:Ananias nl:Ananias pl:Ananiasz wo:Anañas zh:亚拿尼亚