.svg){kind=link}
რენდოვა
| მშობ. სახელი: ინგლ. Rendova | |
|---|---|
|
ესკიზის შექმნის შეცდომა: კუნძულ რენდოვას ადგილმდებარეობა | |
| გეოგრაფია | |
| Lua error: Cannot create process: proc_open(/dev/null): Failed to open stream: Operation not permitted | |
| მდებარეობა | წყნარი ოკეანე |
| კოორდინატები | Lua error: Cannot create process: proc_open(/dev/null): Failed to open stream: Operation not permitted |
| ფართობი | 411,3 კმ² |
| უმაღლესი წერტილი | 1060 მ |
| პროვინცია | დასავლეთი პროვინცია |
| დემოგრაფია | |
| მოსახლეობა | 3679 (1999) |
| სიმჭიდროვე | 8,945 ად. /კმ² |
რენდოვა (ინგლ. Rendova) — ვულკანური კუნძული ნიუ-ჯორჯიის კუნძულების, სოლომონის არქიპელაგის ჯგუფში[1]. ადმინისტრაციულად შედის მელანეზიური სახელმწიფო სოლომონის კუნძულების დასავლეთი პროვინციის შემადგენლობაში.
გეოგრაფია
რენდოვას კუნძული მდებარეობს წყნარი ოკეანის სამხრეთ ნაწილში. კუნძულის ჩრდილოეთით მდებარეობს კუნძული ახალი გეორგია, აღმოსავლეთით — კუნძული ვანგუნუ.
რენდოვას კუნძული წარმოადგენს ვულკანურ კუნძულს, რომელიც ზოგიერთ ადგილას გარშემორტყმულია მარჯნის რიფით და ფორმით ჰგავს მართკუთხედს[1]. კუნძულის სიგრძე შეადგენს დაახლოებით 40 კმ-ს[2]. კუნძულის ზღვის დონიდან უმაღლესი წერტილი აღწევს 1060 მეტრს[1]. ჩრდილოეთით მდებარეობს ლაგუნა როვიანა.
კუნძულზე კლიმატი ტროპიკული და ნოტიოა[1]. რენდოვაზე ხდება მიწისძვრები და ციკლონები.
ისტორია
1893 წლის 15 მარტს კუნძულზე დამყარდა ბრიტანეთის იმპერიის პროტექტორატი[3] და 1971 წლამდე იყო ბრიტანეთის დასავლეთ-წყნარი ოკეანის ტერიტორიების ნაწილი[3].
1943 წლის 21 ივნისს მოკავშირეებმა კუნძულზე განახორციელეს შეტევა, რომ ჩაეშალათ კუნძულ ახალ გეორგიაზე განლაგებული იაპონური გარნიზონის მომარაგება. რენდოვას კუნძულის ორიათასკაციანი იაპონური გარნიზონი მოკლე დროში გაანადგურა ექვსიათასკაციანმა ამერიკულმა დესანტმა[4].
1978 წლიდან რენდოვას კუნძული სოლომონის კუნძულების სახელმწიფოს ნაწილია.
მოსახლეობა
1999 წელს რენდოვას კუნძულის მოსახლეობის რაოდენობა შეადგენდა 3679 ადამიანს[2]. კუნძულელები ლაპარაკობენ ორ პაპუასურ ენაზე: ტოუო (1874 მოლაპარაკე 1999 წელს; გავრცელებულია კუნძულის სამხრეთ ნაწილში) და უგელე (1202 მოლაპარაკე 1999 წელს; გავრცელებულია კუნძულის ჩრდილოეთ ნაწილში)[5].
სქოლიო
- ↑ 1.0 1.1 1.2 1.3 სოლომონის არქიპელაგის კუნძულები. (ინგლისური). დაარქივებულია ორიგინალიდან — 2008-03-17. ციტირების თარიღი: 2014-12-14.
- ↑ 2.0 2.1 [John Seach. რენდოვას კუნძული. (ინგლისური). დაარქივებულია ორიგინალიდან — 2008-01-20. ციტირების თარიღი: 2014-12-14. John Seach. რენდოვას კუნძული. (ინგლისური)]
- ↑ 3.0 3.1 Worldstatesmen. სოლომონის კუნძულები. (ინგლისური)
- ↑ უკანდახევა სოლომონის კუნძულებზე
- ↑ Ethnologue. სოლომონის კუნძულების ენები. (ინგლისური)
Lua error: Cannot create process: proc_open(/dev/null): Failed to open stream: Operation not permitted