.svg){kind=link}
ჩვენი მამების დროშები (ფილმი)
| „ჩვენი მამების დროშები“ | |
|---|---|
| ფაილი:Flags of our fathers.jpg | |
| დამდგმელი რეჟისორი | კლინტ ისტვუდი |
| პროდიუსერი | კლინტ ისტვუდი, სტივენ სპილბერგი, რობერტ ლორენცი |
| სცენარის ავტორი | უილიამ ბროილესი, პოლ ჰაგისი |
| ნაწარმოები | Lua error: Cannot create process: proc_open(/dev/null): Failed to open stream: Operation not permitted |
| ისტორია | დეივ იოჰანსონი, ნიკ შენკი |
| როლებში | რაიან ფილიპი, ჯეს ბერდფორდი |
| მუსიკა | კლინტ ისტვუდი |
| ოპერატორი | ტომ სტერნი |
| მონტაჟი | ჯოელ კოქსი |
| სტუდია | Malpaso Productions, Amblin Entertainment, DreamWorks Pictures |
| დისტრიბუტორი | Warner Bros. |
| გამოსვლის თარიღი | 20 ოქტომბერი, 2006 |
| ხანგრძლივობა | 132 წუთი |
| ქვეყანა | აშშ |
| ენა | ინგლისური |
| ბიუჯეტი | $55 მლნ |
| შემოსავალი | $65 900 249 |
| შემდეგი | წერილები ივო ჯიმადან |
ჩვენი მამების დროშები (ინგლ. Flags of Our Fathers) — კლინტ ისტვუდის 2006 წლის ფილმი ივო ჯიმას ბრძოლის შესახებ.
სიუჟეტი
1945 წელს, მეორე მსოფლიო ომის დროს ექვსი ამერიკელი ჯარისკაცი აღმართავს დროშას კუნძულ ივო ჯიმაზე, სურიბაჩის მწვერვალზე. მათგან მხოლოდ სამი დარჩება ცოცხალი. დროშის აღმართვის ფოტო მთელ ამერიკას მოივლის. სამეულ გმირებად მონათლავენ. სამშობლოში დაბრუნებული ჯარისკაცები უამრავ ღონისძიებაში მონაწილეობენ, რათა ამერიკელების პატრიოტული სული გააძლიერონ. სინამდვილეში ფოტოზე სულ სხვა ჯარისკაცები არიან გამოსახულნი. სამეულს ეს შინაგანად აწუხებს. ერთი მათგანი სახლში დროულად დაბრუნებას ცდილობს. მეორეს ნამდვილი გმირობა სურს, მესამეს კი წარსული სტანჯავს.
როლებში
- რაიან ფილიპი - ჯონ ბრედლი
- ჯესი ბრედფორდი - რენე გენიონი
- ადამ ბიჩი - აირა ჰეიზი
- ჯონ ბენჯამინ ჰიკი - სერჟანტი კეის ბიჩი
- ჯონ სლეტერი - ბად გერბერი
- ბარი პეპერი - სერჟანტი მაიკლ სტრანკი
- ჯეიმი ბელი - რიგითი რალფ იგნატოვსკი
- პოლ უოკერი - სერჟანტი ჰენკ ჰენსონი
გადაღება
2000 წელს სტივენ სპილბერგმა შეისყიდა წიგნის „ჩვენი მამების დროშები“ ეკრანიზაციის უფლება. მას სცენარი არ მოეწონა და გადაღებას არ შეუდგა. ოთხი წლის შემდეგ პროექტს ხელი მოკიდა კლინტ ისტვდუმა, რომელსაც ახალგამოშვებული ჰქონდა ფილმი „გოგონა მილიონ დოლარად“. ისტვუდმა სპილბერგს უპრეცედენტო იდეა შესთავაზა. მან გადაიღო ორი სხვადასხვა ფილმი ერთი მოვლენის, ივო ჯიმას ბრძოლის შესახებ. პირველი ფილმი ასახავს ივო ჯიმას ბრძოლას ამერიკული თვალსაწიერიდან. მეორე ფილმი, წერილები ივო ჯიმადან, გადაღებულია იაპონური თვალთახედვით.