წმინდა გიორგის სახელობის გამარჯვების ორდენი

ფაილი:St. George’s Victory Order.jpg

წმინდა გიორგის სახელობის გამარჯვების ორდენი

წმინდა გიორგის სახელობის გამარჯვების ორდენი — საქართველოს სახელმწიფო ჯილდო, ორდენი, რომელიც ენიჭება პირს საქართველოსთვის მოპოვებულ გამარჯვებებში შეტანილი განსაკუთრებული წვლილისათვის. შემოღებულია 2004 წლის 24 ივნისის საქართველოს პრეზიდენტის ბრძანების შესაბამისად.

ორდენის პირველი კავალერი გახდა ამერიკის შეერთებული შტატების 43-ე პრეზიდენტი ჯორჯ უ. ბუში, რომელსაც ჯილდო გადაეცა თბილისში სტუმრობისას, 2005 წ. 10 მაისს.

აღწერა

წმინდა გიორგის გამარჯვების ორდენს ბოლნური ჯვრის ფორმა აქვს. არის ოქროსი, გაწყობილია მეწამული (წითელი) და თეთრი მინანქრით. ჯვრის ცენტრში გამოსახული მედალიონის მეწამულ (წითელ) მინანქარზე ამოტვიფრულია ვერცხლის წმინდა გიორგის გამოსახულება (გველეშაპის გამგმირავი მხედარი — სახელმწიფო გერბის გამოსახულება). ლენტზე დამაგრებული ორდენის საკიდი არის ფარი, რომელსაც ამშვენებს „ივერიული“ გვირგვინი (სახელმწიფო გერბის დეტალი) და ვაზის წნულის ორნამენტი. ფარის თეთრ (ვერცხლი) ველზე გამოსახულია მეწამული (წითელი) ჯვარი — წმინდა გიორგის ჰერალდიკური სიმბოლო. ლენტი არის ლივლივა თეთრი, შუაში მეწამული (წითელი) ზოლით. ორდენის თამასა თეთრია, შუაში მეწამული (წითელი) ზოლით. დიამეტრი 5,7 სმ-ია. ყელსაკიდი ორდენია.

წმინდა გიორგის გამარჯვების ორდენის ესკიზის ავტორია მხატვარი-ჰერალდიკოსი მამუკა გონგაძე.

ორდენის მფლობელები

• 2005 — ჯორჯ ბუში (უმცროსი);
• 2006 — ჯონ მაკ-კეინი;
• 2007 — ირაკლი ქუთათელაძე, ზურაბ ნოღაიდელი, ვალდას ადამკუსი, ლეხ კაჩინსკი;
• 2008 — ერეკლე კოდუა, ვლადიმერ გურგენიძე, ვახტანგ კიკაბიძე, გიორგი მებონია, ზურაბ ფოჩხუა, მამუკა გვასალია, ონისე ქისტაური, ავთანდილ ლომიძე, ნიკოლოზ ძებნიაური, შალვა ჯანაშვილი, გიორგი მარგიანი;
• 2009 — ვალდის ზატლერსი, ვიქტორ იუშჩენკო, ვიტაუტას ლანდსბერგისი, რონალდ ასმუსი, ჯონ ფრენსის ტეფტი, პეტრას ვაიტიეკუნასი, ჯო ბაიდენი, ელდარ შენგელაია, დევი ჭანკოტაძე, დავით ნაირაშვილი;
• 2010 — დავით ახალია, დავით ჩხარტიშვილი, რიჩარდ ჰოლბრუკი, ვანო ხუხუნაიშვილი, ტოომას ჰენდრიკ ილვესი, მარტ ლაარი;
• 2011 — ჯო ლიბერმანი, ქშიშტოფ ლისეკი, ვაცლავ ჰაველი, ნიკოლა სარკოზი, ალექსანდრე ლომაია, ანრი დე რენკური, მათიას იორში;
• 2012 — ანდრის ბერზინში, რამაზ ნიკოლაიშვილი, ვანო მერაბიშვილი, გიორგი კარბელაშვილი;
• 2013 — დავით ბაქრაძე, დავით ნინიძე, მოანა კარკასეს კალოსილი, ალექსანდრე ხეთაგური, იასეკ სარიუშ ვოლსკი, ვოლფრიდ მარტენსი, ჯინ შაჰინი, ანდრო ბარნოვი, კახა ბენდუქიძე, გიორგი პაპუაშვილი, კონსტანტინე კუბლაშვილი, ნიაზ დიასამიძე, დავით ბეჟუაშვილი, აბდულა გიული, რეჯეფ თაიფ ერდოღანი, ილჰამ ალიევი, ვიქტორ ორბანი, ანდრეი ილარიონოვი, გიგი წერეთელი, ვაჟა ორბელაძე, გელა ჩარკვიანი, ალექსანდრე ტუღუში, შამილ ქორთოშიძე, იაროსლავ კაჩინსკი, გარიკ კარამიანი, ბესიკ მჟავანაძე, მალხაზ წიქოძე, კობა ახვლედიანი, კობა ალექსიძე, უილიამ ჯეფერსონ კლინტონი;
• 2014 — ზურაბ ჟვანია, აზა ადამია, ალექსანდრე ადამია, ნათია ბაშალეიშვილი, ეკატერინე ბეჟანიშვილი, ნატო გიორგაძე, შალვა გოგიძე, თამარ დოლიძე, თინა ენუქიძე, ნინო თოიძე, ზაირა კიკვიძე, მანანა ლოლაძე, თამარ მამულაშვილი, მანანა მელქაძე, ვენერა მეტრეველი, მამუკა ნოზაძე, ინგა რუხაძე, გულნაზ სამარგულიანი, გია ქარსელაძე, შალვა ქვასროლიაშვილი, ელისაბედ ჭიპაშვილი, თამარ ჭოველიძე, მარინე ჭყონია, ნოდარ ჯანგირაშვილი, მზია ჯინჭარაძე;
• 2015 — დავით სერგეენკო;