ოქროპირ ბატონიშვილი

ოქროპირ ბატონიშვილი
დაიბადა	ოქროპირ ბაგრატიონი 5 ივლისი (24 ივნისი), 1795 თელავი, ქართლ-კახეთის სამეფო
გარდაიცვალა	5 ივლისი (24 ივნისი), 1857 მოსკოვი, რუსეთის იმპერია
ეროვნება	ქართველი
სხვა სახელები	ოქროპირ გრუზინსკი
ტიტული	ბატონიშვილი/უფლისწული/ცარევიჩი
რელიგიური მრწამსი	მართლმადიდებელი ქრისტიანი
მეუღლე	ანა კუტაისოვა
შვილები	გიორგი, ანა, პავლე, ირაკლი და პრასკოვია
მშობლები	მამა — გიორგი XII დედა — მარიამ ციციშვილი

ოქროპირ ბატონიშვილი (ბაგრატიონი) (დ. 1795 — გ. 1857) — გიორგი XII-ის ძე. 1832 წლის შეთქმულების აქტიური მონაწილე. შეთქმულთა იმ ჯგუფს ეკუთვნოდა, რომელიც ოცნებობდა საქართველოს ფეოდალურ-მონარქიული სახელმწიფოს აღდგენაზე. XIX საუკუნის 20-იანი წლებიდან ცხოვრობდა პეტერბურგში და ქართველ ახალგაზრდობას პროპაგანდას უწევდა რუსეთის წინააღმდეგ შეიარაღებული აჯანყების მოსაწყობად. 1829 წელს თბილისში ჩამოვიდა და შეთქმულების სხვა ხელმძღვანელებთან ერთად აჯანყების გეგმებს აწყობდა. ამ მიზნით მან იმოგზაურა აღმოსავლეთ საქართველოში. შეთქმულების გაცემის შემდეგ კოსტრომაში გადაასახლეს.

1843 წლის 18 ივნისს, საქართველოს სამეფო ოჯახის წევრებს (ფარნაოზი ერეკლეს ძე; გიორგის ძეები: თეიმურაზი, მიხეილი, ილია, ოქროპირი, ერეკლე; იულონის ძეები: ლუარსაბი და დიმიტრი; იოანეს შვილიშვილი - იოანე; ბაგრატ გიორგის ძის შვილები: დავითი და ალექსანდრე; კონსტანტინე დავითის ძე; იმერეთის უფლისწულ გიორგი ალექსანდრეს ძის შვილები: ალექსანდრე და დიმიტრი), რუსეთის იმპერატორის ბრძანებით „უვადო“ პენსიაზე დაემატათ „შთამომავლობითი“ პენსიაც.

ლიტერატურა

• ბარამიძე არ., ქართული საბჭოთა ენციკლოპედია, ტ. 7, თარგი:ადგილის მითითება ბიბლიობმულებში, 1984. — გვ. 611.