The Lamb Lies Down on Broadway

მასალა ვიკიპედიიდან — თავისუფალი ენციკლოპედია

20:29, 4 დეკემბერი 2023-ის ვერსია, imported>ოქროს ბოტი (→top: clean up, replaced: | ფონი = studio → | ტიპი = studio (2) using AWB)

(განსხ.) ←წინა ვერსია | მიმდინარე შესწორების ჩვენება (განსხ.) | შემდეგი ვერსია→ (განსხ.)

ფაილი:2Lamb74.jpg

studio —

ჯენესისი

გამოცემის თარიღი

29 ნოემბერი, 1974

ჩაიწერა

აგვისტო - ოქტონბერი, 1974, სტუდია Island Mobile, უელსი

ჟანრი

პროგრესული როკი

ხანგრძლივობა

Script error: No such module "hms".

ლეიბლი

Charisma
Atco

პროდიუსერი

ჯონ ბერნსი; ჯენესისი

ჯენესისი — ქრონოლოგია

სინგლები ალბომიდან The Lamb Lies Down on Broadway
Selling England by the Pound (1973)	The Lamb Lies Down on Broadway (Lua error: Cannot create process: proc_open(/dev/null): Failed to open stream: Operation not permitted)	A Trick of the Tail (1976) თარგი:!)

„Counting Out Time“ გამოცემის თარიღი: 1 ნოემბერი 1974 „The Carpet Crawlers“ გამოცემის თარიღი: აპრილი 1975

Lua error: Cannot create process: proc_open(/dev/null): Failed to open stream: Operation not permitted

Script error: No such module "Music ratings".

The Lamb Lies Down on Broadway — ინგლისური პროგრესული როკ-ჯგუფ ჯენესისის ორმაგი კონცეპტუალური ალბომი, რომელიც გამოვიდა 1974 წლის 29 ნოემბერს. ეს არის ჯგუფის რიგით მეექვსე სტუდიური ალბომი და უკანასკნელი, ჩაწერილი პიტერ გებრიელის მონაწილეობით.

ალბომში მოთხრობილია პუერტო რიკოელი ახალგაზრდის, რაელის სიურრეალისტური ამბავი, რომელიც ვითარდება ნიუ-იორკის ქუჩებსა და მიწისქვეშეთში. მიწისქვეშ რაელი აღმოაჩენს თავის გარდაცვლილ ძმა ჯონს. სხვადასხვა მოგზაურობისას იგი სიურრეალისტურ სამყაროში ამოჰყოფს თავს. საბოლოოდ, იგი საკუთარ ბედს შეეგუება და მოულოდნელად მიხვდება, რომ უკვე დიდი ხნის მკვდარია.

ალბომის კონცეფცია პიტერ გებრიელს ეკუთვნის. დღემდე ეს მისი ტექსტობრივად ყველაზე რთული ნაწარმოებია. The Lamb Lies Down on Broadway ითვლება ყველა დროის ერთ-ერთ საუკეთესო კონცეპტუალურ ალბომად.

დისკის გამოცემის შემდეგ მოეწყო მასშტაბური თეატრალიზებული ტურნე, რომლის დასრულებისას გებრიელმა განაცხადა ჯგუფიდან წასვლაზე.

ჩაწერის ისტორია

ალბომის ევოლუცია დაიწყო ჯერ კიდევ 1974 წლის მარტში. ამ პერიოდში ჯენესისი მოგზაურობდა საკონცერტო ტურნეთ შტატებსა და კანადაში, ალბომის Selling England by the Pound მხარდასაჭერად. ამერიკელი მსმენელები ცუდად იცნობდნენ ჯგუფის რეპერტუარს, ასე რომ ყოველი ახალი ქალაქის ათვისება ცალკე ამოცანას წარმოადგენდა. ტურის გრაფიკი იყო დაძაბული და მუსიკოსები დაღლილები იყვნენ. უკანასკნელი კონცერტები ჩატარდა ნიუ-იორკში და ამბობენ, რომ სწორედ ამ პერიოდში მოხდა ალბომის იდეის ჩასახვა.

1974 წლის ზაფხულში ჯენესისი შევიდა სტუდიაში და დაიწყო მუშაობა ყველაზე ამბიციურ სტუდიურ დისკზე. მუსიკოსებმა გადაწყვიტეს, რომ ეს ალბომი ასი პროცენტით კონცეპტუალური იქნებოდა^[1], ხოლო მისი შემადგენელი ნაწილები პირდაპირ კავშირში იქნება სიუჟეტურ ხაზთან. განიხილებოდა ორი ვარიანტი. პირველი მაიკლ რეზერფორდის მიერ იქნა შემოთავაზებული - ანტუან დე სენტ-ეგზიუპერის „პატარა უფლისწულის“ ალბომად გადაქცევა. პიტერ გებრიელს ეს იდეა არ მოეწონა, მას უკვე ჰქონდა თავისი სიუჟეტური ხაზი, რომელიც უამრავ სიურეალისტურ, აბსტრაქტულ თუ ალეგორიულ ელემენტს შეიცავდა, სადაც რეალური არარეალურს უერთდებოდა. საბოლოოდ, მუსიკოსები შეთანხმდნენ, რომ გებრიელის იდეა მნიშვნელოვანია.

შემდეგ ადგილი ჰქონდა ლირიკის შექმნასთან დაკავშირებულ პრობლემებს, მაგრამ გებრიელმა კვლავ დაარწმუნა კოლეგები - ამჯერად იმაში, რომ სჯობდა, ყველა ტექსტი მისთვის ენდოთ. თავის ინტერვიუებში იგი იხსენებდა:

„1974 წელი იყო, პანკამდე ხდებოდა ყველაფერი. დარწმუნებული ვიყავი, რომ სიუჟეტის გმირი უნდა ყოფილიყო თანამედროვე ფიგურა და არა - ფანტაზია. 70-იანების სუპერჯგუფების ხანაში შევდიოდით და არ მსურდა, რომ ამ „ტიტანიკს“ ჩავყოლოდი ფსკერზე. ამ ალბომში მე ნაწილობრივ ჩემი პირადი ემოციური განცდები შევიტანე, ასე რომ არ მსურდა, რომ ვინმე სხვას მათი საკუთარი ვერსია შეექმნა. შედეგად, ალბომზე არის ნაწილები, რომლებიც თითქმის გაუგებარი ან აღსაქმელად რთულია, რომლებიც არც ისე წარმატებულია. გარკვეულწილად, ეს მეტად ტრადიციული კონცეპტუალური ალბომი იყო - რაღაც „ოდისეის“ მსგავსი, მაგრამ ქუჩური ხასიათის მატარებელი, ტყავის ქურთუკით და სამუშაო კოსტუმით. რაელი ალბათ პანკი იქნებოდა, ყველაფერი 76 წლის შემდეგ რომ დატრიალებულიყო. Ramones ჯერ კიდევ არ იწყებდა, მაგრამ New York Dolls უკვე არსებობდა, მაგრამ ეს უფრო გლემ-როკი იყო.^[2] “

გებრიელმა დაიწყო ტექსტების წერა და მუსიკალური ექსპერიმენტების ძიება. რეპეტიციები გადიოდა სტუდიაში Headley Grange, სადაც უფრო ადრე მუშაობდა ლედ ზეპელინი. თავდაპირველად ყველაფერი კარგად მიმდინარეობდა. ახალი მასალა იყო უფრო მსუბუქი, ვიდრე წინა ალბომების ვრცელი ეპიკური ნაშრომები, მაგრამ პიტერი მეტად უცნაური, გამუდმებით დაძაბული იყო. ნაწილობრივ ვიღაცამ ეს დააბრალა სტუდიის აურას - ლედ ზეპელინის გიტარისტი ჯიმი პეიჯი თითქოს თავის ოკულტურ წესებს იცავდა და უცნაურ ცდებს ატარებდა ამ სტუდიაში (თუმცა, არავის ეს არ დაუმტკიცებია). თავისი როლი ითამაშა მუდმივმა დაღლილობამ, ყველაფერთან ერთად პიტერის მეუღლე ჯილი ფეხმძიმედ იყო.

ალბომზე მუშაობა უკვე მთელი ძალებით მიმდინარეობდა, როდესაც გებრიელს დაურეკა ჰოლიველმა რეჟისორმა უილიამ ფრიდკინმა. მას სურდა ისეთ ადამიანთან თანამშრომლობა, რომელსაც ჰოლივუდთან შეხება არ ჰქონია. პიტერთან დაკავშირების სურვილი გაუჩნდა ალბომის Genesis Live კონვერტზე გამოტანილი უცნაური ისტორიის წაკითხვის შემდეგ. მისი თქმით, ამან მისცა სიგნალი. თავდაპირველად პიტერმა უარი უთხრა თანამშრომლობაზე, მაგრამ რამდენიმე დღეში მისი ბერვები აღარ ძლებდა, იგი აბსოლუტურად არ აკონტროლებდა თავის თავს. ერთ-ერთი რეპეტიციის დროს გებრიელი მოულოდნელად შეახტა ველოსიპედს, გაიქცა უახლოესი სატელეფონო ჯიხურისკენ, დაურეკა ფრიდკინს, შემდეგ კი დაუბრუნდა კოლეგებს და აუწყა, რომ რამდენიმე თვე სცენარზე იმუშავებდა. მისივე თქმით, ეს იქნებოდა მცირე შესვენება, მაგრამ სხვებმა უარი უთხრეს, რაზეც პიტერმა განაცხადა, რომ ჯგუფიდან წავიდოდა. მაშინ ჯენესისის სხვა წევრებმა ისიც კი ივარაუდეს, რომ დარჩებოდნენ ინსტრუმენტულ კოლექტივად. საბოლოოდ, სიტუაცია განმუხტა Charisma Records-ის პროდიუსერმა ტონი სტრეტონ-სმითმა. მან ღიად განუცხადა ფრიდკინს, რომ მისმა პროექტმა შესაძლებელია დაასამაროს ეს ჯგუფი. ფრიდკინი გაოგნებული იყო და უბრალოდ თავს იმართლებდა იმით, რომ მხოლოდ რამდენიმე იდეა სჭირდებოდა და არა პიტერის აქტიური ჩართვა მის პროექტში. ამის შემდეგ ტონის რამდენიმე საათი დასჭირდა, რათა პიტერი ჯგუფში დაებრუნებინა.

სარეპეტიციო სესიების მსვლელობისას მუსიკოსებს მრავალი იმპროვიზაციის საშუალება ჰქონდათ. ერთ-ერთი ასეთი იმპროვიზაციის შედეგი იყო „Fly On A Windshield“, ალბომის მეორე კომპოზიცია. ჩაწერისას ასეთი რამ მოხდა - მუსიკოსებმა სტუდიაში ჩააქრეს განათება. სტივმა და ტონიმ დაიწყეს ინსტრუმენტებით უცნაური ხმების შექმნა. მოულოდნელად გაისმა ჭექა-ქუხილის ხმა. ეს იმპროვიზაცია, ცნობილი როგორც „Evil Jam“, ალბომში „The Waiting Room“-ის სახეს ატარებს.

მას შემდეგ, რაც მასალაზე მუშაობა დაასრულეს, ჯგუფმა უელსში ინსტრუმენტული ნაწილის ჩაწერა დაიწყო. ამ პერიოდში გებრიელს პირველი შვილი ეყოლა, რომელიც მოათავსეს ინტენსიური თერაპიის განყოფილებაში. „უელსში ვიწერდით, ჩემი გოგონა კი სიკვდილ-სიცოცხლის პირას, პედინგტონში იმყოფებოდა. ამიტომ ხუთსაათიანი მგზავრობები მიწევდა. ძალიან მღლიდა. სხვები მითანაგძნობდნენ, მაგრამ ბოლომდე არ ესმოდათ. ჯგუფისთვის ყოველთვის მთავარი იყო ჩვენი ვალდებულებები. ჩვენი ცხოვრება იყო მუშაობა და არსებობის სხვა სახით გამოხატვა აღიქმებოდა, როგორც საშიში“.

მას შემდეგ, რაც მუსიკალური ნაწილი ჩაიწერა, დარჩა ტექსტების დამატება. ჯგუფში არ მოსწონდათ, რომ პიტერი აგვიანებდა მათ მიტანას. ვინაიდან მასზე ზეწოლა ხდებოდა, ყოველივე აისახა საბოლოო ტექსტების ბუნდოვან ხასიათში - პიტერს არ ჰქონდა საკმარისი დრო, კონცეფციისთვის გადაეხედა. საბოლოო ჯამში, მხოლოდ „The Light Dies Down On Broadway“-ის ტექსტი დაწერეს ტონი ბენქსმა და მაიკ რეზერფორდმა. ამ სამუშაოს დასრულების შემდეგ მუშაობა Island Studios-ში, ნოტინგ-ჰილში გაგრძელდა. პიტერი შეხვდა ბრაიან ინოს, რომელსაც სთხოვა, ალბომის ჩაწერაში დახმარებოდა. უამრავი ექსპერიმენტის შემდეგ ალბომში მისი მონაწილეობით მხოლოდ ორი კომპოზიცია შევიდა - „In the Cage“ და „The Grand Parade of Lifeless Packaging“. საბოლოო ეტაპზე ალბომზე ლონდონში მუშაობდნენ. ფილ კოლინზი მასზე ღამით იჯდა და საბოლოო მიქსს ამზადებდა.

ჩაწერის მიწურულს სტივ ჰეკეტმა ცერა თითზე ნერვი დაიზიანა, რის გამოც ინგლისში დაგეგმილი სამკვირიანი ტურნე გადაიდო.

სიმღერების სია

ყველა სიმღერის ავტორები - ტონი ბენქსი, ფილ კოლინზი, პიტერ გებრიელი, სტივ ჰეკეტი და მაიკ რეზერფორდი.
Atco-ს მიერ აშშ-ში გამოცემულ დისკზე „The Carpet Crawl“ მითითებულია, როგორც „The Carpet Crawlers“, ხოლო „Here Comes The Supernatural Anaesthetist“ - როგორც „The Supernatural Anaesthetist“.

დისკი 1

Lua error: Cannot create process: proc_open(/dev/null): Failed to open stream: Operation not permitted Lua error: Cannot create process: proc_open(/dev/null): Failed to open stream: Operation not permitted

დისკი 2

პერსონალი

ტონი ბენქსი – კლავიშებიანი საკრავები, ფორტეპიანო
ფილ კოლინზი – დასარტყმელი საკრავები, პერკუსია, ვიბრაფონი, დამატებითი ვოკალი
პიტერ გებრიელი – ვოკალი, ფლეიტა, ჰობოი
სტივ ჰეკეტი – გიტარები
მაიკ რეზერფორდი – ბასი, 12 სიმიანი გიტარა, ბას პედლები
ბრაიან ინო – „ენოსიფიცირება“

ტურნე

ფაილი:Searchtool-80%.png მთავარი სტატია: The Lamb Lies Down on Broadway Tour.

ჩარტები

ჩარტი (1974)	უმაღლესი პოზიცია
კანადა - საუკეთესო ალბომები/CD-ები (RPM)^[3]	15
იტალია	14^[4]
ახალი ზელანდიის ალბომები (Recorded Music NZ)^[5]	34
ბრიტანეთის ალბომები (OCC)^[6]	10
აშშ-ის „ბილბორდ“ 200^[7]	41

სერტიფიცირებები

Lua error: Cannot create process: proc_open(/dev/null): Failed to open stream: Operation not permittedLua error: Cannot create process: proc_open(/dev/null): Failed to open stream: Operation not permittedLua error: Cannot create process: proc_open(/dev/null): Failed to open stream: Operation not permittedLua error: Cannot create process: proc_open(/dev/null): Failed to open stream: Operation not permitted


რეგიონი	სერტიფიცირება	გაყიდვები
კანადა (Music Canada)^[8]	Gold	50 000^{^}
საფრანგეთი (SNEP)^[9]	Gold	100 000^*
გაერთიანებული სამეფო (BPI)^[10]	Gold	100 000^{^}
აშშ (RIAA)^[11]	Gold	500 000^{^}
^*გაყიდვების მონაცემები სერტიფიცირებაზე დაყრდნობით ^{^}გაყიდვების მონაცემები მხოლოდ სერტიფიცირებაზე დაყრდნობით (გაყიდული პარტიები)

რესურსები ინტერნეტში

სქოლიო

↑ Lua error: Cannot create process: proc_open(/dev/null): Failed to open stream: Operation not permitted^{[მკვდარი ბმული]}
↑ http://www.bloovis.com/music/lamb.html
↑ "RPM-ის საუკეთესო ალბომები: გამოცემა 3919a." RPM. კანადის ბიბლიოთეკა და არქივები. წაკითხვის თარიღი 5 დეკემბერი 2016.
↑ http://www.hitparadeitalia.it/hp_yenda/lpe1975.htm
↑ "Genesis – The Lamb Lies Down on Broadway". Charts.org.nz. Hung Medien. წაკითხვის თარიღი 5 დეკემბერი 2016.
↑ "1974-12-07 საუკეთესო ბრიტანული ალბომების ოფიციალური არქივი | ოფიციალური ჩარტები". ბრიტანეთის ალბომების ჩარტი. ოფიციალური ჩარტების კომპანია. წაკითხვის თარიღი 5 დეკემბერი 2016.
↑ Lua error: Cannot create process: proc_open(/dev/null): Failed to open stream: Operation not permitted/chart-history/TLP „Genesis ალბომების და სიმღერების ისტორია ჩარტებში (Billboard 200)“. Billboard. წაკითხვის თარიღი 5 დეკემბერი 2016.
↑ Canadian album certifications – Genesis – The Lamb Lies Down on Broadway. Music Canada.
↑ French album certifications – Genesis – The Lamb Lies Down on Broadway ფრანგულად. ეროვნული ხმისჩამწერი სინდიკატი.
↑ British album certifications – Genesis – The Lamb Lies Down on Broadway. ბრიტანეთის ფონოგრამების მწარმოებლების ასოციაცია. შეიყვანეთ The Lamb Lies Down on Broadway ველში Search. აირჩიეთ Title ველში Search by. შეიყვანეთ album ველში By Format. დააწკაპუნეთ ღილაკზე Go
↑ American album certifications – Genesis – The Lamb Lies Down on Broadway. ამერიკის ხმისჩამწერი კომპანიების ასოციაცია. საჭიროების შემთხვევაში, უნდა აირჩიოთ Advanced, შემდეგ Format, შემდეგ Album, და ბოლოს - SEARCH

Lua error: Cannot create process: proc_open(/dev/null): Failed to open stream: Operation not permitted

ხ • გ • რ ჯენესისი

ტონი ბენქსი მაიკ რეზერფორდი ფილ კოლინზი ენტონი ფილიპსი ჯონ სილვერი ჯონ მეიჰიუ სტივ ჰეკეტი რეი უილსონი

სტუდიური ალბომები	From Genesis to Revelation Trespass Nursery Cryme Foxtrot Selling England by the Pound The Lamb Lies Down on Broadway A Trick of the Tail Wind & Wuthering ...And Then There Were Three... Duke Abacab Genesis Invisible Touch We Can't Dance Calling All Stations

საკონცერტო ალბომები	Genesis Live Seconds Out Three Sides Live The Way We Walk, Volume One: The Shorts The Way We Walk, Volume Two: The Longs Live over Europe 2007

კომპილაციები	Turn It On Again: The Hits Platinum Collection R-Kive

ბოქს-სეტები	Genesis Archive 1967–75 Genesis Archive 2: 1976–1992 Genesis 1976–1982 Genesis 1983–1998 Genesis 1970–1975 Genesis Live 1973–2007 R-Kive BBC Broadcasts

EP-ები	Spot the Pigeon 3X3

სინგლები	„The Silent Sun“ „The Knife (Part 1)“ „Happy The Man“/Seven Stones „Watcher of the Skies“ „I Know What I Like (In Your Wardrobe)“ „Counting Out Time“ „The Carpet Crawlers“ „Entangled“ „A Trick of the Tail“ „Your Own Special Way“ „Spot The Pigeon (EP)“ „Follow You Follow Me“ „Many Too Many“ „Go West Young Man (In The Motherlode)“ „Turn It On Again“ „Duchess“ „Misunderstanding“ „Abacab“ „No Reply At All“ „Keep It Dark“ „Man On The Corner“ „Paperlate“ „Mama“ „That's All“ „Home by the Sea“ „Illegal Alien“ „Taking It All Too Hard“ „Invisible Touch“ „Throwing It All Away“ „Land of Confusion“ „In Too Deep“ „Tonight, Tonight, Tonight“ „No Son of Mine“ „I Can't Dance“ „Hold on My Heart“ „Jesus He Knows Me“ „Never a Time“ „Invisible Touch (საკონცერტო)“ „Tell Me Why“ „Congo“ „Shipwrecked“ „Not About Us“ „The Carpet Crawlers 1999“ „The Silent Sun 2006“

სხვა სიმღერები	„The Musical Box“ „Get 'Em Out by Friday“ „Can-Utility and the Coastliners“ „Supper's Ready“ „Dancing with the Moonlit Knight“ „Firth of Fifth“ „The Lamb Lies Down on Broadway“ „The Lady Lies“ „Behind the Lines“ „Domino“ „Anything She Does“ „Driving the Last Spike“ „Fading Lights“

ვიდეო	Genesis: In Concert Three Sides Live The Mama Tour The Way We Walk – Live in Concert The Genesis Songbook Genesis Live at Wembley Stadium The Video Show When in Rome 2007 Genesis Movie Box 1981–2007

ტურნეები	Selling England by the Pound Tour The Lamb Lies Down on Broadway Tour A Trick of the Tail Tour Wind & Wuthering Tour Invisible Touch Tour We Can't Dance Tour Calling All Stations Tour Turn It On Again: The Tour The Last Domino? Tour

დაკავშირებული მუსიკოსები	ბილ ბრუფორდი ჩესტერ თომპსონი დერილ სტერმერი ნიკ დ'ვირგილიო ნირ ზიდკიაჰუ ენტონი დრენანი დენიელ პირსი

დაკავშირებული სტატიები	ჯენესისის პოპური სიმღერების სია Brand X Flaming Youth Mike and the Mechanics GTR სტილტსკინი საიმონ კოლინზი Sound of Contact ჯონათან კინგი ტონი სმითი The Musical Box Six of the Best Genesis: Together and Apart The Farm

ჯენესისის დისკოგრაფია ჯენესისის წევრების სია ჯილდოები და ნომინაციები ფაილი:Symbol question.svg კატეგორია

მოძიებულია „https://wiki.ge/w/index.php?title=The_Lamb_Lies_Down_on_Broadway&oldid=38115“-დან

კატეგორია:

დამალული კატეგორია:

ყველა სტატია მკვდარი გარე ბმულით